|
ЦIыхухэм зэрызыщIагъакъуэ Iэмалхэм топсэлъыхь
11 февраля, 2021 - 06:55
КIуэкIуэ Казбек мазаем и 9-м иригъэкIуэкIащ республикэм хуэмыщIауэ щыпсэухэм социальнэ и лъэныкъуэкIэ защIэгъэкъуэнымкIэ щыIэ хэкIыпIэхэр щызэпалъыта зэIущIэ.
Зэхуэсым хэтащ КъБР-м и Правительствэм и УнафэщI Мусуков Алий, КъБР-м и Iэтащхьэм и Администрацэм и УнафэщI Къуэдзокъуэ Мухьэмэд, КъБР-м и Парламентым ЛэжьыгъэмкIэ, социальнэ политикэмрэ узыншагъэр хъумэнымкIэ и комитетым и унафэщI Къэжэр Хъусен, КъБР-м и Правительствэм и УнафэщIым и къуэдзэ Хъубий Марат, КъБР-м финансхэмкIэ и министр Лисун Еленэ, КъБР-м лэжьыгъэмрэ цIыхухэм социальнэ и лъэныкъуэкIэ къащхьэщыжынымкIэ и министр Асанов Алим, КъБР-м узыншагъэр хъумэнымкIэ и министр Къалэбатэ Рустам, КъБР-м и Iэтащхьэм и чэнджэщэгъу Тюбеев Альберт.
ЩIыналъэм и Унафэ-щIым зэIущIэм зыщытепсэлъыхьынухэм яхигъэхьащ республикэм щыпсэухэм я дежкIэ мыхьэнэшхуэ зиIэ Iуэхухэу хущхъуэ пщIэншэу зратыну хуитыныгъэ зиIэ-хэр абыхэмкIэ, сабийхэр шхынкIэ къызэгъэпэща зэрыхъур; ныкъуэдыкъуэхэм защIэгъэкъуэныр, цIыху хэхахэм социальнэ дэIэпы-къуныгъэхэр иратыныр. «Абыхэм ящыщ дэтхэнэ зы Iуэхуми социальнэ мыхьэнэшхуэ иIэщ», - къыхигъэщащ КIуэкIуэ Казбек. Абы зэIущIэм хэтхэм ягу къигъэкIыжащ илъэс кIуам цIыхухэм дэIэпыкъуны-гъэшхуэ зэрыратар. «Зэи къэмыхъуа щытыкIэ коронавирусым къыщыдэкIуэм, цIыхухэм а щытыкIэ къызэрымыкIуэм хуэфэщэжын дэIэпыкъуныгъэ еттын хуейуи къытхудэкIащ - мылъкуу тедгъэкIуэдэнумкIи лэжьыгъэу зэфIэдгъэкIыпхъэмкIи. Псори зэхэту сом мелард 17-м щIигъу ятедгуэшащ республикэм щыпсэухэм. Ар хуэдэ куэдкIэ нэхъыбэщ илъэс блэкIахэм цIыхухэм яIэрыхьахэм нэхърэ».
КIуэкIуэ Казбек къигъэнэIуа дэтхэнэ зы упщIэмкIи я Iуэхур зыIутым республикэм и Iэтащхьэр щыгъуазэ ящIащ ахэр зэхьэлIа министерствэхэм я унафэщIхэм, хэкIыпIэхэри къагъэнэIуащ. Языныкъуэ Iуэхухэм къэралым и къулыкъущIапIэхэм щыхэплъэн хуейуэ къыщIэкIащ, адрейхэр елъытащ щIыпIэм абыхэм унафэ зэрыщытращIыхьыфыну щIыкIэм. Къапщтэмэ, сымаджэхэр хущхъуэхэмкIэ къызэгъэпэщыныр елъытащ а социальнэ дэIэпыкъуныгъэр зыхуэгъэзахэр Iуэхум зэреплъым. Куэдым, хущхъуэхэр къыIах нэхърэ, абы и уасэр иратмэ нэхъ къащтэ, аращи, псори зэхэту абы трагъэкIуэдэн хуей ахъшэм хущхъуэ лъапIэхэр къыщIэкIыжыркъым. Ар цIыхухэм ягурыгъэIуэн хуейщ.
КIуэкIуэ Казбек къаIэта Iуэхухэр зэхьэлIахэм пщэрылъ ящищIащ абыхэм я зэфIэхыкIэ хъунум теухуа чэнджэщхэр къыхалъхьэну. «Гулъытэ хэха хуэщIыпхъэщ цIыхухэм хуащIэ Iуэхутхьэбзэхэм я фIагъым, и чэзум икIи нэсу абыхэм дэIэпыкъуныгъэ ягъуэтыным. Псом хуэмыдэу ар ехьэ-лIащ сымаджэхэр хущхъуэкIэ, сабийхэр шхынкIэ къызэгъэпэщыным. Абыхэм ятеухуа упщIэхэр щыIэщ икIи а Iуэхухэм унафэ тэ-мэм ятещIыхьыпхъэщ, лэжьыгъэр тэмэму зэфIэхыпхъэщ. Мылъку лей зытекIуэдэн абыхэм къахэкIмэ, ахъшэр къэгъуэтын хуейуэ аращ», - жиIащ щIыналъэм и УнафэщIым зэIущIэр щызэхуищIыжым.
КъБР-м и Iэтащхьэмрэ
Правительствэмрэ я пресс-IуэхущIапIэ.
|
20.04.2024 - 12:25 Къэрал куэдым мэлыжьыхьым и 19-р «Ажэгъуэмэм и махуэу» щагъэлъапIэ. Абы гулъытэ хэIэтыкIа хуэщIыпхъэу къалъытэу, япэ дыдэу, I984 гъэм, Iуэхур къыщрахьэжьар Инджылыз къэралыгъуэрщ. |
|
20.04.2024 - 09:03 Къэбэрдей-Балъкъэр Республикэм мы гъэм еханэу щекIуэкIынущ «ТекIуэныгъэм и диктанткIэ» зэджэ, гъэсэныгъэ мыхьэнэшхуэ зиIэ Iуэхугъуэ щхьэпэр. |
|
19.04.2024 - 09:01 Тамбукъан гуэл шыугъэм илъэс 700 тхыдэ къызэринэкIащ. Абы ит псыр ижыркъым, мыл ткIужхэмрэ уэшххэмкIэ ирикъуу аращ. Абыхэм къадэкIуэу ябрууауэ щыта жапIэхэмкIэ абы хохъуэ минеральнэ псы. |
|
19.04.2024 - 09:01 2024 гъэм и япэ мазищым къызэрагъэлъагъуамкIэ, хьэщIэщым къыщыувыIэну махуэу зыщрагъэтхамрэ абы щыщIэтIысхьа махуэмрэ я зэхуакум дэлъ пIалъэм и кIыхьагъымкIэ Къэбэрдей-Балъкъэрым къэралым и щIыналъ |
|
18.04.2024 - 12:25 2024 гъэм и япэ мазищым къриубыдэу Къэбэрдей-Балъкъэрым зыщызыплъыхьыну къэкIуа туристхэм я бжыгъэр мин 398-рэ хъуащ икIи ар процент 24,8-кIэ нэхъыбэщ къапщытэж лъэхъэнэм ирихьэлIэу нэгъабэ щыIа бж |
|