|
Бейтыгъуэн Исмэхьил щIэныгъэлI ныбжьыщIэ нэхъыфIу къалъытащ
3 февраля, 2021 - 07:01
«2020 гъэм и щIэныгъэлI ныбжьыщIэ нэхъыфI» дунейпсо проектым япэ нагъыщэ зиIэ и дипломымрэ «2020 гъэм и щIэныгъэлI ныбжьыщIэ нэхъ пажэ» бгъэхэIу дамыгъэмрэ иджыблагъэ къыхуагъэфэщащ Къэбэрдей-Балъкъэр къэрал мэкъумэш университетым и агрономие факультетым и студент Бейтыгъуэн Исмэхьил.
Къэрал Щхьэхуитхэм я Зэныбжьэгъугъэм хыхьэ къэралхэм я щIэныгъэ-егъэджэныгъэ IуэхущIапIэхэм я деж пщIэшхуэ щызиIэ зэпеуэщ ди хэкуэгъу щIалэр къызыхэжаныкIар.
«СНГ-м щыщ щIэныгъэлI ныбжьыщIэ нэхъыфI» проектым бжьыпэр щаубыдащ дунейпсо, лъэпкъ, щIыналъэ олимпиадэхэм, зэпеуэхэм, конференцхэмрэ проектхэмрэ япэ увыпIэр къыщызыхьахэм, лъэпкъ командэ къыхэхахэм хэтхэм; Олимп Джэгухэм щытекIуахэмрэ абыхэм я дыжьын, домбеякъ медалхэр зыхуагъэфэщахэм, дунейпсо, спорт зэхьэзэхуэ зэмылIэужьыгъуэхэм къыхэжаныкIахэм, щIалэгъуалэ зэщIэхъееныгъэхэм я пашэхэм.
Бейтыгъуэн Исмэхьил Урысейм и Журналистхэми ТхакIуэхэми я зэгухьэныгъэхэм, «Урысей зэкъуэт» Урысейпсо политикэ партым, УФ-м и Федеральнэ Зэхуэсым и Къэрал Думэм къегъэщIылIа щIалэгъуалэ палатэм хъыбарегъащIэ политикэмрэ СМИ-м ядэлэжьэнымкIэ и эксперт советым хэтщ.
|
29.03.2024 - 08:57 Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ. |
|
29.03.2024 - 08:56 КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм |
|
29.03.2024 - 08:56 Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос. |
|
28.03.2024 - 09:03 ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ. |
|
28.03.2024 - 09:03 Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм. |
|