|
|
Игилик–шуёхлукъну мурдору
1 февраля, 2021 - 07:13
Эсге салайыкъ. Озгъан жылны жай айларындан биринде, Уллу Ата журт урушда Хорламны 75-жыллыгъына жораланып, Минги таугъа ёрлеу къуралгъанды. Ол Кавказны къоруулаугъа, ол санда Минги тауда баргъан къанлы къазауатлагъа къатышхан псковчу аскерчилени хурметлеу бла байламлы эди.
Сёзсюз, ол жерледен бизни регионда эмда Элбрусну тийресинде баргъан къазауатлагъа кёпле къатышхандыла. Араларында тюрлю-тюрлю къырал саугъалагъа, ол санда «За оборону Кавказа» деген майдалгъа тийишли болгъанла да аз тюйюл эдиле.
Ол огъурлу жумуш Эверестге эки кере чыкъгъан Къабарты-Малкъар Республикада Альпинизм, таугъа ёрлеу эм спорт туризмни федерациясыны регион жамауат организациясыны президенти Ёлмезланы Абдул-Халимни башчылыгъында ётдюрюлгенди. Анга Псков областьны губернатору Михаил Ведерниковну атындан бюсюреу письмону КъМР-ни курортла эм туризм министри Мурат Шогенцуков къууанчлы халда ол башчылыкъ этген ведомствода альпинизм федерацияны къаууму жыйылып тургъанлай бергенди.
Бу кюнледе уа сагъынылгъан тийрени губернаторундан КъМР-ни Культура министерствосуна письмо келгенди. Анда былай жазылады: «Уллу Ата журт урушха къатышып, Кавказны къоруулагъан псковчуланы хурметине эмда Уллу Хорламны 75-жыллыгъына жораланнган ёрлеуге къатышхан, анга себеплик этген сизни бир къауум жерлешлеригизге бюсюреу письмоларымы бериригизни тилейме», - деп.
Саугъаланнганла республикалы «Заман» эмда «Кабардино-Балкарская правда» газетлени корреспондентлери Холаланы Марзият, Вероника Васина, «Черекские вести» район газетни бёлюмюню редактору Хозаланы Фатимат, РФ-ни Журналистлерини союзуну келечиси Газаланы Масхутдула. Михаил Юрьевич бу адамлагъа уллу ыспас этеди эмда аскер-тарых хазнаны сакълаугъа, кенг жайыугъа, Къабарты-Малкъар Республиканы бла Псков областьны араларында шуёх байламлыкъланы кючлендириуге салгъан къыйынлары ючюн жюрек ыразылыгъын билдиреди.
КъМР-ни культура министри Мухадин Кумахов ыспас къагъытланы бере, анга тийишли болгъанланы къызыу алгъышлагъанды, тутхан ишлеринде жетишимли болурларын сюйгенин билдиргенди. Дагъыда ол Псков областьда бизни кёп жерлешлерибиз ишлегенлерин, аладан бири уа сюд приставланы департаментлерини таматасы Николай Морозовду, область кеси да тарых магъаналы болгъанын да чертгенди. Кеслерини жанларындан ыспас сёзлерин журналистле да айтхандыла.
 |
16.04.2024 - 08:26 Арт кезиуде бизни сахнабызда фахмулу, ариу ёнлю жаш жырчыланы саны кёбейгенди. Аллай хунерлиледен бириди Жуболаны Жамбулат. Ол Саратовда Л.В. |
 |
16.04.2024 - 08:24 Бу кюнледе Къазанны «АкБарс» спорт арасында каратеден кубок бардырылгъанды. Анга Россейни 48 регионундан бла дагъыда 10 къыралдан 2160 спортчу къатышхандыла. |
 |
16.04.2024 - 08:23 «Рамаданны кубогу» деген ат бла «Нальчик» спорт арада самбодан 2012-2014 жыллада туугъан жашчыкъланы араларында самбодан республикалы эришиу бардырылгъанды. |
 |
15.04.2024 - 16:04 Бюгюнлюкде Къабарты-Малкъарда транспортну мурдорунда маммограф, флюорограф комплекследен 13-сю, эм тогъуз да фельдшер-акушер пункт ишлейдиле. |
 |
15.04.2024 - 12:53 Жаланда таматала угъай, сабийле да къыйналадыла шёндюгю дунияда. Хар болгъан ишни юсюнден интернетде он тюрлю оюм басмаланады, ала къайсына ийнаныргъа билмейдиле. |
|
