КъМР-ни Башчысы К.В. Коков Къабарты-Малкъарда Террорчулукъгъа къажау комиссияны эм Оператив штабны бирикдирилген жыйылыуларын бардыргъанды. Аны ишине видеоконференция халда КъМР-ни Парламентини Председатели Т.Б. Егорова, КъМР-ни Правительствосуну Председатели Мусукланы А.Т., КъМР-де баш федерал инспектор Т.Э. Макоев, КъМР-ни толтуруучу власть органларыны, право сакълагъан структураланы таматалары къатышхандыла.
Повестканы баш темасы жангы жылгъы солуу кюнледе эм Рождестволу байрамланы кезиулеринде къоркъуусузлукъну жалчытыу болгъанды. Жыйылыуну чегинде КъМР-де АТК-ны 2020 жылда ишини алгъадан чыгъарылгъан эсеплери белгиленнгендиле, келир жылгъа планла салыннгандыла.
Жангы жылгъы эм Рождестволу байрамлада жамауат къоркъуусузлукъну сакъларча амалланы юсюнден КъМР-де ич ишлени министри В.П. Павлов, РФ-ни МЧС-ни КъМР-де Баш управлениясыны таматасы М.В. Надежин айтхандыла.
Докладлары бла КъМР-ни министри З.К. Кашироков, КъМР-де граждан обществосуну институтлары бла байламлыкъла къурау эмда миллетле ишлери жаны бла министрини орунбасары Гергъокъланы Д.Б. сёлешгендиле.