Президентни болушлукъчусу, Къырал советни секретары Игорь Левитин ишчи къауумну таматасы, Татарстан Республиканы президенти Рустам Минниханов бла РФ-ни Къырал Советини «Къурулуш, жашау журт-коммунал мюлк, шахар болум» ызда ишчи къауумуну кенгешин бардыргъанды. Видеоконференция халда къуралгъан жыйылыугъа Правительствону Председателини орунбасары Марат Хуснуллин, къурулуш эм жашау журт-коммунал мюлкню министри Ирек Файзуллин, Къабарты-Малкъарны Башчысы Казбек Коков, толтуруучу властьны сейирлери болгъан федерал эм регион органларыны, илму эм эксперт организацияланы келечилери къатышхандыла.
Ишчи къауумну жыйлыуун ача, Игорь Левитин аны 2024 жылгъа дери эм 2030 жылгъа дери план кезиуге кёрюмдюлени келишдириу, андан сора да, аланы санау методикаланы проектлери жаны бла да тири ишин белгилегенди. Минстрой предложенияла этген кёрюмдюлени алышындырыулагъа регионла да ыразы болгъандыла.
Правительство бла бирге ишлеуню эсеплерине кёре ишчи къауумну бир ненча предложениясы Россей Федерацияны Президентини 2020 жылда 24 октябрьден буйрукъларыны тизмесине къошулгъанды. Предложенияланы тизмеге кирмеген бирси кесеги Правительствогъа жиберилгенди эм мындан ары ишлеуге алыннганды.
Рустам Минниханов къурулуш бёлюмде болумну тохташыулу этерге онг берген оператив халда чыгъарылгъан оноуланы юсюнден билдиргенди. Аланы санында 6,5 процентге берилген льготалы ипотека эм ызы бла аны 2021 жылны ортасына дери бардырыу, юч процентге дери эл ипотеканы башлау, инженер сетьлени къурулушларын «Стимул» программагъа къошуу, тийрелени планировка этиу жаны бла документацияны хазырлау эм къабыл кёрюу.
Кенгешде тийрелени комплекс халда айнытыуда 2030 жылгъа жашау журтланы хайырланыугъа бериуде 120 миллион квадрат метр чакълы бирге кёбейтиуге жетиу, отрасльге къошакъ финансированияны жетдириу эм низкомаржинальный проектлеге кредитлени процент ставкаланы субсидирование этиу, энчи жашау журт къурулуш бардырылгъанда инфраструктура чеклениулени азайтыу предложенияла сюзюлгендиле. Ирек Файзуллин «Жашау журт эм шахар болум» миллет проектни паспортун тюзетиу жаны бла тамамланнган ишни юсюнден хапарлагъанды. Сюзюуню эсеплерине кёре Къырал Советни эм Президентде стратегия айнытыу эм миллет проектле жаны бла советни декабрьде бардырыллыкъ бирлешген кенгешлеринде къараллыкъ предложенияла жарашдырылгъандыла.
КъМР-ни Къурулуш эм ЖКХ министерствосундан билдиргенлерича, Къабарты-Малкъарда бусагъатда «Жашау журт» регион проектни паспорту жаны бла иш бардырылады, аны чеклеринде 2020 жылда 494 минг квадрат метр жашау журт жашаугъа кийирилликди, ол 2019 жылгъа кёре 104,2 процентди. 2020 жылны 11 айына жашаугъа журтланы 405,9 квадрат метри кийирилгенди, былтырны бу кезиуюне кёре 112, 3 процентди.
«Жашау журт къурулушну айнытыу программаны стимулирование этиу» иш жаны бла 2020 жылда Нальчик шахар округну суу баргъан ызларын эм сооруженияларын кенгертиу (2-чи очередь), эмда Вольный Ауулну Нарт микрорайонуну кенгериуюнде суу кетген эм суу бла жалчытхан тыш ызларыны къурулушлары бардырылгъанды. Объектледе къурулуш ишлени 2020 жылны ахырына тындырыр умутлудула.
«Тапландырылгъан шахар болумланы къурау» къырал программаны ызында 2020 жылгъа Къабарты-Малкъарны 39 тийресинде 34 жамауат кенгликни эм 122 арбазны игилендириу планнга салыннганды. Бюгюнлюкге битеу ишле тамамланнгандыла. Регион проектни паспортуна муниципал къуралыуланы актуализированный программаларыны мурдорларына кёре тюрлениуле кийириледиле. Пректни жашаугъа кийириуге 2021 жылда КъМР-ни 40 муниципал къуралыуу къошуллукъду. 31 жамауат кенгликни эм 108 арбаз тийрени тапландырыргъа умут этилинеди.
Бахсан шахар округда «Мамырлыкъны, маданиятны эм солууну паркы» объектде ишле да тындырылгъандыла.  Аны къурулушуна 85 миллин сом «Гитче шахарла» категорияда 2019 жылда тапландырылгъан шахар болумланы къурау жаны бла эм иги проектлени Битеуроссей эришиуню конкурсну эсеплерине кёре бёлюннгенди. Паркны къууанчлы халда ачылыуу жууукъ заманда боллукъду.
Быйыл «Гитче шахарла» категорияда тапландырылгъан шахар болумланы къурау жаны бла эм иги проектлени 4-чю Битеуроссей эришиуню алчыларыны тизмесине Чегем шахар да киргенди. Шахаргъа башха бюджетле аралы трансфертлени ёлчеми 50 миллион сом боллукъду. «Чегем – Парк» тапландырылгъан шахар болумну къурау проектни бардырыу жаны бла проект документация хазырланнганды.
«Жашаргъа жарамагъан жашау журт фондну азайыуун жалчытыу» регион проектни кёрюмдюлери федерал кёрюмдюлеге тенгдиле. Къабарты-Малкъар Республикада адамланы тозурагъан жашау журтладан кёчюрюу программаны ишлери 2023 жылгъа дери бардырыллыкъды.