«ФIагъ лъагэ зиIэ автомобиль гъуэгу шынагъуэншэхэр» лъэпкъ проектым ипкъ иткIэ щIыналъэ трассэу дызэрыт илъэсым километр 95-рэ Къэбэрдей-Балъкъэрым щызэрагъэпэщыжыну траухуауэ щытащ.
Ауэ щIыналъэ бюджетым и гъуэгу фондыр зэгъэзэхуауэ къызэрагъэсэбэ-пам и фIыгъэкIэ километри 8,5-м апхуэдэ лэжьыгъэхэр зэрыщрагъэкIуэкIын ахъшэ къахудэхуащ икIи ахэри зэфIагъэкIащ.
Щхьэлыкъуэ - Каменкэ, Налшык - Нарткъалэ, Кэнжэ - Каменкэ гъуэгухэм ящы-щу зи щхьэфэр нэхъ телэжьыкIахэр зыхуей хуагъэзэжащ а ахъшэмкIэ.
Мы зэманым ирихьэлIэу Налшык - Нарткъалэ, Кэн-жэ - Каменкэ гъуэгухэм мывэ зэтеударэ шхэпсрэ зыхэлъ асфальтобетон тралъхьащ, гъуэгу дэдзыхыпIэхэр, къэувыIэпIэхэр хуащIащ, дамыгъэхэр щагъэуващ. Щхьэлыкъуэ и уэрам нэхъыщхьэм мы гъэм километрихым щIигъум асфальтыщIэ тралъхьакIэт, апхуэдэу лъэмыжри зэрагъэпэщыжащ.
«Урысейпсо цIыхубэ фронт» жылагъуэ зэгухьэныгъэм и щIыналъэ къудамэм и лIыкIуэ Тхьэмокъуэ Анзор жиIащ а лэжьыгъэ-хэр фIы дыдэу зэращIар икIи Налшык къедза жылэхэм дэсхэм я дежкIэ абы мыхьэнэшхуэ зэриIэр.
Лэжьыгъэхэр ягъэува пIалъэм и пэ къихуэу зэфIагъэкIащ. КъБР-м Транспортымрэ гъуэгу хозяйствэмкIэ и министерствэм, гъуэгухэр зэгъэпэщыжы-ным теухуа зэгурыIуэны-гъэр а лэжьыгъэр зэфIэзыгъэкIынум езыщIылIэ IуэхущIапIэм кIэлъыплъыныгъэмкIэ и къудамэм я лIыкIуэхэм зэпымыууэ къапщытащ къагъэсэбэп материалхэм фIагъри лэ- жьыгъэр зэрекIуэкI щIыкIэри.