КIуэкIуэ Казбек Аруан, Май, Шэджэм, Iуащхьэмахуэ, Бахъсэн районхэм я мэкъумэш IуэхущIапIэхэм щыIащ икIи республикэм и бизнес IэнатIэм и лэжьакIуэхэм яхуэзащ

Къэбэрдей-Балъкъэр Республикэм и Iэтащхьэм и къалэнхэр пIалъэкIэ зыгъэзащIэ КIуэкIуэ Казбек Аруан, Май, Шэджэм, Iуащхьэмахуэ, Бахъсэн рай­он­хэм я мэкъумэш IуэхущIапIэхэм щыIащ. Республикэм и унафэщIыр яIущIащ Бахъсэн къалэм и агропро­мышленнэ бизнес-инкубаторым ще­кIуэкIа бизнес зэхыхьэм хэтахэм.

Республикэм и хьэрычэтыщIэхэм щепсалъэм, КIуэкIуэ Казбек къытпэщыт зэман гъунэгъум пыщIа къалэн нэхъыщ­хьэ дыдэхэм ящыщу бизнесым зыхуэ­фащэ Iэмалхэр къыхузэгъэпэщынымрэ абы дэIэпыкъунымрэ зэрыщытыр къы­хигъэщхьэхукIащ. Ауэ, къигъэлъэгъуащ КъБР-м и Iэтащхьэм и къалэнхэр пIалъэкIэ зыгъэзащIэм, нэхъыщхьэ дыдэр - жылагъуэ-политикэ зэпIэзэрытыныгъэрщ. ЗэпIэзэрытыныгъэ щымыIэмэ, къы­пищащ республикэм и унафэщIым, Къэбэрдей-Балъкъэрым и экономикэм «зы сом зыми къыхилъхьэнукъым». Апхуэдэу абы жиIащ IэщIагъэ нэс зиIэ лэжьакIуэхэр гъэхьэзырыным гулъы­тэшхуэ хуэщIын зэрыхуейр.
«Псом япэу ди щIалэхэм ящыщхэр IэщIагъэм хуегъэджэным, ахэр IэнатIэ­хэм егъэувэлIэным къарууэ диIэр етхьэлIэнущ, - жиIащ КIуэкIуэм. Абы и лъэныкъуэкIэ зэфIэгъэкIыпхъэхэр къыхилъ­хьэну КъБР-м и Правительствэм хуагъэуващ.
ЗэIущIэм нэхъ зыубгъуауэ щытепсэ­лъы­хьащ инвестицэхэр къызэщIэгъэу­Iуэ­ным, финанс IэнатIэр зэтес щIы­жыным, банк IэнатIэр къагъэсэбэпурэ IуэхущIа­-пIэ мыинхэм финансхэр зэрызэрагъэ­пэщыр гъэтэмэмыным, административнэ лъэпощхьэпохэр къызэнэкIыным, коммуникацэхэмрэ финанс Iуэхухэмрэ яхуэгъэза лэжьакIуэ пэрытыр щIэгъэкъуэн къэщIыным.

 

КъБР-м и Iэтащхьэм и къалэнхэр пIалъэкIэ зыгъэзащIэмрэ Прави­тельствэмрэ я пресс-IуэхущIапIэ.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)