КъМР-ни Башчысыны къуллугъун болжаллы халда толтургъан Казбек Коков  Абхазияны жалынчакъсызлыгъы белгиленнгенини 25-жыллыгъы бла Рауль Хаджимбаны, къоншу республиканы халкъын да алгъышлагъанды.
«Къабарты-Малкъарны жамауатыны эм кесими атымдан  Сизни, абхаз халкъны да байрам бла – Абхазия Республиканы Жалынчакъсызлыгъыны кюню бла – алгъышлайма. Озгъан кезиу къыраллыкъ, политика жаны бла тохташыуну, экономикада, социал  бёлюмде тюз жолну сайлауну, эмда, сёзсюз,  абхаз халкъны  къадалып урунуууну жыллары болгъанды.
Къабарты-Малкъар бла Абхазия ёмюрледен бери къаты шуёхлукъ жюрютюп келедиле. Мындан арысында да ол къыйматлы жетишимни сакъларыкъбыз,  халкъларыбызны игиликлери ючюн  ахшы байламлыкъларыбызны айнытырыкъбыз. Мамырлыкъ, насып, саулукъ-эсенлик», - деп айтылады алгъышлауда.