Коронавирусдан ауругъанлагъа - хакъсыз дарманла

КъМР-де коронавирус жукъгъанланы саны юч минг бла жарымгъа жетгенди – 3499 саусуз. Ахыр кюнледе алагъа орта эсеп бла 70-75 адам къошулады. 5 июньдан бери уа тизме 300 инсаннга кенгергенди.
Болсада къууандыргъан шартла да бардыла – белгили этилген тарихлеге кёре, 9 июньда ауруудан 104 инсан къутулгъанды, вирус жайылгъан кезиуден бери уа 1753 инсан, тийишли болушлукъ алып, сау болгъандыла.
Алай бла шёндю медицина болушлукъ 1712 саусузгъа бериледи. Жарсыугъа, аурууну къыйынлыгъын кётюралмай, 34 адам ауушханды.
Вирус республикада жайылып башланнган кюнден бери 57,1 мингден аслам тест бардырылгъанды. Ауругъанла бла тюбешип, инфекция жукъгъанына ишекли 2123 адам юйлеринде туруп, медицина тинтиуледен ётедиле, ол санда РФ-ни Саулукъ сакълау министерствосуну буйругъуна тийишлиликде, алагъа компьютер томография бардырылады. Госпитальлада 1084 адам турады, ол санда реанимация бёлюмде 62 инсан. 786 саусузгъа болушлукъ амбулатория халда бериледи.
Шимал Кавказны республикаларында бюгюнлюкде COVID-19 вирусдан 21,7 мингден аслам адам къыйналады – солуу кюнледе ауругъанлагъа эки мингнге жууукъ къошулгъанды. Андан округда 549 адам ауушханды.
Россейде коронавирус 485,8 минг адамгъа жукъгъанды. Орта эсеп бла бир кюннге алагъа сегиз минг адам къошулады, ол санда 9 июньда тизме 8595 инсаннга кёбейгенди. Пандемия башланнгандан бери вирусдан 242,3 минг инсан сау болгъанды. Къыралда андан 6142 инсан ауушханды.
Джонс Хопкинс атлы университет белгили этген тарихлеге кёре уа, битеу дунияда бу ауруу 7,1 миллион адамгъа жукъгъанды, аладан 406,5 мингден аслам ауушхандыла. Алгъынча, хал Американы Бирлешген Штатларында къыйынды –анда ауругъанланы саны 1,96 миллиондан атлагъанды. Вирус жукъгъанланы саны Бразилияда уллулай къалады – 707 минг, бу къырал экинчи жердеди. Россей ючюнчю болгъанды.
Бу кюнледе уа РФ-ни Саулукъ сакълау министерствосу коронавирусдан багъыуда хайырлы дарманланы эсепге алгъаны белгили этилгенди. Аладан бири «Левилимаб» (сатыугъа ол «Илсира» деген ат бла чыгъарыкъды) ауруу бютюнда къыйын баргъан саусузланы багъыуда болушуругъун белгилегенди ведомство.
Коронавирусдан жарагъан биринчи дарман а майны ахырында жарашдырылгъанды: «Авифавир». Аны Эбола аурууну багъыуда хайырланнгандыла. Бу кюнледе уа дарманны ОМС-ни жумушларыны чеклеринде саусузлагъа хакъсыз берликлери белгили этилгенди. Клиникалагъа ол 11 июньда жетдирилликди.
Кюнден-кюннге COVID-19-дан сау болгъанланы саны кёбейеди. Болсада РФ-ни Саулукъ сакълау министерствосу алагъа пандемия бошалгъынчы профилактика мадарланы сакъларгъа кереклисин эсгертгенди.
Министерствону баш инфекционисти Елена Малинникованы айтханына кёре, бир кере жукъгъан экинчи аурурукъ тюйюлдю, аны санларында къуралгъан затла вирусдан къорууларыкъдыла деген ышаныулукъ жокъду. «Андан сакъланыр ючюн хар бирибиз да къаллай жумушланы толтурургъа керекбиз? Бек алгъа гигиена излемлени сакъларгъа: къолларыбызны сапын бла жууаргъа, бир бирибизге жууукъ келмезге, салфеткала бла хайырланыргъа. Кесибизни эмда жууукъларыбызны саулукълары эм жашаулары ючюн жууаплылыкъны ангыларгъа борчлубуз»,-дегенди ол.

ТОКЪЛАНЫ Фатима.

Поделиться:

ЧИТАТЬ ТАКЖЕ:

29.03.2024 - 17:29

САКЪАТЛЫКЪЛАРЫ БОЛГЪАНЛАГЪА БОЛУШУРЧА

Къабарты-Малкъарны Жамауат палатасында «тёгерек столда» психикаларында энчиликлери болгъан адамланы реабилитацияларын бардырыуда саулукъ сакълау, социал къорууланыу учрежденияланы эм коммерциялы бо

29.03.2024 - 09:05

БАХЧАЛАНЫ БУЗДАН КЪОРУУЛАРГЪА – 40 МИЛЛИОН СОМ

Быйыл эл мюлк жерлени буз уруудан къорууларча мадарлагъа Къабарты-Малкъарны бюджетинден 40 миллион сом бёлюнюрюкдю.

29.03.2024 - 09:04

КАРТОФДАН БАЙ ТИРЛИК КЪУУАНДЫРАДЫ

Шимал-Кавказстатны управлениясындан  билдиргенлерича, былтыр Къабарты-Малкъарны  мюлклерини барысында да картофдан  154,6 минг тонна  жыйылгъанды.  Ол былтырдан 1,8 процентге кёпдю.

29.03.2024 - 09:04

ТАНГ КЕСЕК КОНСЕРВА ЧЫГЪАРЫЛАДЫ

Къабарты-Малкъар тахта кёгетледен консервала жарашдырыу бла эки жылны ичинде алчы жерни алады. Ол санда былтыр, 363,8 миллион банка чыгъарылгъанды.

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.