«Къабарты-Малкъар Республиканы социал ишчилерин профессионал байрамлары бла жюрегимден алгъышлайма. Адамгъа къайгъырыу бла байламлы болгъан бу огъурлу ишни сайлап, анга кертичилей къалып, сиз болушлукъ керек болгъанлагъа кюн сайын эс тапдырасыз, кёз-къулакъ болгъанлай турасыз, аланы кёллерин кётюресиз, жашаудан тюнгюлмезча, келир заманнга таукел къарарча этесиз.
Сайлагъан жолугъуздан таймай баргъаныгъыз, бет жарыкълы уруннганыгъыз, ишигизни уста билгенигиз ючюн бек сау болугъуз. Волонтёрлагъа уа энчи ыспас этерге сюеме, нек дегенде, бу къыйын кезиуде социал ауурлукъну иги кесеги ма аланы инбашларына тюшгенди.
Жюрегими теренинден алгъыш эте, жашауларын башха адамлагъа жоралагъанлагъа саулукъ, кюч-къарыу тежейме. Бар игиликле да сизге жаусунла!»-деп айтылады КъМР-ни Башчысыны Instagramда басмаланнган алгъышлау сёзюнде.