Урысей Федерацэм и Президент Путин Владимир и УнафэкIэ КIуэкIуэ Казбек адэжь щIыналъэм къегъэзэж

Президентыр лэжьыгъэ IуэхукIэ ­IущIащ КIуэкIуэ Казбек икIи абы жриIащ Къэбэрдей-Балъкъэр Республикэм и Iэтащхьэм и къалэнхэр пIалъэкIэ игъэ­зэщIэну абы и пщэ зэ­ры­дилъ­хьэм теу­хуа унафэ къызэрищтар.

Путин Владимир: Казбек Валерий и ­къуэ, нобэрей ди зэIущIэр, ди зэпсэлъэныгъэр зытеухуар уи дежкIэ хамэу щымыт, укъыщалъхуа Къэбэрдей-Балъкъэрырщ.
Iуэхур зытетращи, уи унэцIэджэгъу КIуэкIуэ Юрий Александр и къуэр къэ-лъэIуащ, щхьэусыгъуэ зыбжанэм къыхэ-кIыу, абыхэм и унагъуэм пыщIахэри яхэту, и лэжьапIэ IэнатIэр хуэсхъуэжыну, Москва щылэжьэну.
Абы ипкъ иткIэ, дэ и гугъу тщIыну сы­хуейт республикэм ехьэлIа Iуэху зыбжанэм, нэхъ хэхауэ жыпIэмэ, къыхэзгъэщынут уэ езыри абы узэрыщылэжьар, IэнатIэ зэмылIэужьыгъуэхэм узэрыпэ­ры-тар, министрым и къуэдзэу, иужькIэ Къэбэрдей-Балъкъэрым и Парламентым и депутату узэрыщытар. Иджы илъэс куэд хъуауэ ущолажьэ Урысей Федерацэм и Президентым и Администрацэм.
Сэ бжезмыIэми, уощIэж фи унагъуэр укъыщалъхуа республикэм быдэу, быдэ дыдэу зэрыпыщIар. Уи адэр республикэм и унафэщIу щытащ 1992 гъэм къыщы­щIэдзауэ 2005 гъэ пщIондэ икIи ар абы икъукIэ гуапэу ягу къыщагъэкIыж. Ар уна­фэщI Iэзэу икIи ныбжьэгъу пэжу щытащ.
Зыпхуэзгъэзэну сыхуейщ Къэбэрдей-­Балъкъэрым бгъэзэжыну - япэщIыкIэ рес­публикэм и Iэтащхьэм и къалэнхэр пIалъэкIэ бгъэзащIэу.
КIуэкIуэ Казбек: ФIыщIэшхуэ пхузощI. Дзыхь къызэрысхуэпщIам щхьэкIэ фIы­щIэ пхузощI. Сэ сыхьэзырщ.
Путин Владимир: ДызэгурыIуащ.

 

Поделиться:

ЧИТАТЬ ТАКЖЕ:

29.03.2024 - 08:57

ХЬЭЩIЭХЭМ ДЫКЪЫХАГЪАЩIЭ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ.

29.03.2024 - 08:56

ГУАПЭУ ЯГУ КЪАГЪЭКIЫЖ

КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм

29.03.2024 - 08:56

ХАДЭХЭКI ФIЭIУГЪЭХЭМКIЭ ДЫПАШЭЩ

Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос.

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.