Къабарты-Малкъарда быйыл биринчи кварталда 1,6 миллиард сом багъасына къурулуш бардырылгъанды. Ол былтыр бу заман бла тенглешдиргенде 102,0 % процентге ёсгенди, деп билдириледи СКФО-да къырал статистика бёлюмюнден.
Жыл башланнганлы предприятияла бла организацияла 37,3 минг квадрат метр чакълы 349 фатар ишлегендиле. Ол былтыр бла тенглешдиргенде 5,1 минг квадратха неда 15,9 процентге асламды
Эл жерледе 16,3 минг квадрат чакълы 145 фатар сюелтилиннгенди. Ол саулай республикада жашау журтланы 43,7 процентиди. Организацияла уа 6,7 минг квадрат тенгли бирде 89 фатарны биттиргендиле. Ол да былтырны биринчи кварталы бла тенглешдиргенде 18,1 процентге кёпдю.
Адамла кеслерини эм ёнкючге алгъан ахчалагъа 30,6 минг квадрат метрде 260 жашау журт салгъандыла. Ол да озгъан жыл бла теглешдиргенде 32,8 процентге кёпдю. Саулай айтханда, къурулушну 81,9 проценти энчи иелеге жетеди.
