КъМР-ни Парламентини президиумуну жыйылыуунда «комитетни сагъатыны» чеклеринде «КъМР-де проект документлени къырал экспертизасы жаны бла управление» къырал автоном учрежденияны башчысы Ольга Короткихни доклады сюзюлгенди.
Бу организация 2012 жылда къуралгъанды. Аны келечилери 2007 жылда 1 январьдан 2017 жылда 31 декабрьге дери кезиуде чыгъарылгъан 946 проект документни сюзгендиле, аладан 917 къабыл кёрюрге жарагъаны тохташдырылгъанды. Аланы битеулю багъасы 97,1 миллиард сомду.
Докладчыны айтханына кёре, эксперт организация къуралгъанлы къурулуш бардыргъан компанияла, техника жаны бла заказчикле ала чыгъаргъан оноуланы терсликлерине, къырал экспертиза жаны бла полномочияла тийишлисича толтурулмагъанларына  тарыгъыула  этилмегендиле. Чырмауланы бла кемчиликлени юслеринден айта, Ольга Коротких РФ-ни Правительствосуну 2007 жылда 5 мартда къабыл кёрюлген 145-чи номерли бегимине тийишлиликде къырал экспертизаны документлени берген организация ахча тёлегенден сора этип башларгъа жарагъанын билдиргенди.  Алай къурулушда инвестиция халны игилендирир мурат бла Управление 28104,8 минг сом багъасы 134 къырал экспертизаны толтургъанды, алай бу жумушла ючюн хакъ  тёленмегенди.
Республиканы 2015 жылда эм 2016-2017 план кезиуде адрес инвестиция программасын хазырлагъанда, «Дирекция единого заказчика» къырал казна предприятияны проект документлерини  экспертизасы ючюн борч  17766,9 минг сом болгъаны жазылгъан эди.