|
Наркотикым пэщIэтыну къыхураджэ.
17 февраля, 2020 - 06:57
КъБР-м щыIэ МВД-м и лэжьакIуэхэр, нарколог дохутырхэр КъБКъУ-м и «Точка кипения» центрым мазаем и 12-м студентхэм щаIущIащ. Зэхыхьэм хэтащ еджапIэ нэхъыщхьэм щеджэхэри, апхуэдэу информационнэ технологиехэмкIэ колледжым и студентхэри. Ар траухуат наркотикым зэрыпэщIэтыпхъэ Iэмалхэм.
Псалъэмакъыр ирагъэжьэн ипэ къихуэу къызэхуэсахэр ирагъэплъащ «Наркотикыр. Абы зэрыдрагъэхьэхым и щэхухэр» фIэщыгъэр зиIэ видеотеплъэгъуэм. Студентхэм гурагъэIуащ, апхуэдэхэр зыщэхэм я мурад нэхъыщхьэр къызэрыгуэкI цIыхухэр къагъэсэбэпкIэрэ, ахэри наркотикым драгъэхьэхкIэрэ мылъку къалэжьынурауэ зэрыщытыр.
КъБР-м Узыншагъэр хъумэнымкIэ и министерствэм и нарколог диспансерым и психолог Къущхьэ Залинэ къыхигъэщащ щIалэгъуалэм а щхъухь бзаджэр зрахьэлIэн щIыщIадзэм и щхьэусыгъуэ нэхъыщхьэхэр. Ахэр къыхокI цIыхухэр тегушхуэгъуейуэ, я пщIэр ираудыхыжу зэрыщытым е гъащIэм къащыпэщIэхуэ гугъуехьхэм зэрыпэщIэтыну къару къащылъыкъуэмыкIым. «Абы дихьэха цIыхухэм я гъащIэм пхэнжу зызэридзэкIым и мызакъуэу, наркотик къыздрахынум нэхъ гукъеуэ ямыIэ-жу къонэ, зэгуэр зыщыгуфIыкIыу щыта еджапIэри, унагъуэри, ныбжьэгъухэри IэщIыб ящI», - къыхигъэ- щащ Залинэ.
Нарколог дохутыр ПащIэ Артур абы къыпищэу жиIащ: «Сэ садолажьэ апхуэдэ цIыху сымаджэхэми, солъагъу, езыхэр хуэмеймэ, абыхэм зыкIи сэбэп уазэрыхуэмыхъуфыр. Фыкъыхузоджэ фысакъыну, дэтхэнэми жиIэр фи фIэщ фымыщIыну, фи гъащIэ псор зэтезыкъутэну Iуэху шынагъуэм зыдевмыгъэхьэхыну».
КъБР-м щыIэ МВД-м и лэжьакIуэ Бечелов Ислъам къызэхуэсахэр щигъэгъуэзащ наркотикхэкIхэр зезыхьэхэм, апхуэдэу абы зезыгъэубгъу дэтхэнэ цIыхуми ихьыну тезырхэм. КъыкIэлъыкIуэу наркотикхэкIхэр зэзыхьэлIэхэм къалъыкъуэкI Iуэху мыщхьэпэхэм, узыншагъэ и лъэныкъуэкIэ зэран зэрыхъум тепсэлъыхьащ КъБР-м Узыншагъэр хъумэнымкIэ и министерствэм и медицинэ консультативно-диагностикэ центрым и психиатр-нарколог дохутыр Лобжанидзе Анзор.
УФСИН-м КъБР-м щиIэ къудамэм и лэжьакIуэ Гувэжыкъуэ Залинэ Iуэху мыщхьэпэм хэша хъууэ зи гъащIэр къута куэд щапхъэу къахуихьащ студентхэм. Наркотикым ипкъ иткIэ полицэм зи Iуэху къиIэта цIыхум адэкIэ къэкIуэну и гъащIэм бжэ куэдыр зэхуэщIа зэрыщыхъури къыхигъэщащ.
ЕджапIэ нэхъыщхьэмрэ колледжымрэ щIэс студентхэм хьэщIэхэм жаIэм щIэдэIум и мызакъуэу, яфIэгъэщIэгъуэн упщIэхэмкIи IэщIагъэлIхэм зыхуагъэзэну Iэмал яIащ.
|
28.03.2024 - 09:03 ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ. |
|
28.03.2024 - 09:03 Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм. |
|
27.03.2024 - 13:58 Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I |
|
27.03.2024 - 12:25 Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх |
|
27.03.2024 - 09:03 (ГъащIэ теплъэгъуэ) |
|