Къэралым и УнафэщIым иригъэкIуэкIыну зэIущIэшхуэр зыгъэхьэзырхэм КIуэкIуэ Казбек яхэтщ.

Дыгъуасэ Къэбэрдей-Балъкъэр Республикэм и Iэтащхьэ КIуэкIуэ Казбек хэтащ «IэщIагъэ нэс зиIэ лэжьакIуэхэр экономикэмрэ социальнэ IэнатIэмрэ папщIэ гъэхьэзырынымкIэ Урысей Федерацэм и субъектхэм я мыхьэнэр къэIэтыным теухуауэ» Урысей Федерацэм и Къэрал Советым и Президиумымрэ Урысей Федерацэм и Президентым и деж ЩIэныгъэмрэ егъэджэныгъэмкIэ щыIэ советымрэ зэщIыгъуу ирагъэкIуэкIыну зэIущIэр зыгъэхьэ­зырхэм я зэхуэсым.
Семинарым и лэжьыгъэм хэтащ Урысейм и Правительствэм и лэжьакIуэхэр, къэралым и щIыналъэхэм я Iэтащхьэхэр, экспертхэр. Ахэр хэплъащ къэралым и УнафэщIым Федеральнэ Зэхуэсым Зэ­рызыхуигъэзам къыщыгъэува Iуэхухэр дэгъэкIыным хуэунэтIауэ къыхалъхьахэм.
Семинарым къыщаIэтащ еджапIэ нэхъыщхьэхэм я лэжьэкIэр къэгъэщIэ­рэщIэжыным, экономикэмрэ социальнэ IэнатIэмрэ папщIэ IэщIагъэлIхэр зэрагъэхьэзырыр егъэфIэкIуэным, егъэ­джэныгъэр лэжьыгъэмкIэ рынокым къигъэувхэм егъэзэгъыным, иджыпсту нэхъ зыхуэныкъуэ IэщIагъэлIхэм я спискэр ­убзыхуным.
Къэрал Советым и Президиумымрэ ­Урысейм и Президентым и деж ЩIэныгъэмрэ егъэджэныгъэмкIэ щыIэ советымрэ я зэIущIэр мазаем и 6-м екIуэкIынущ. Путин В. В. зэрыжиIамкIэ, зэIущIэм щыхэплъэнущ «егъэджэныгъэр егъэфIэ­кIуэным и лъэныкъуэкIэ япэ игъэщыпхъэхэм, IэнатIэр гъащIэм къигъэувхэм нэхъ япэгъунэгъу щIыным». Щхьэхуэу тепсэлъыхьынущ экономикэмрэ соци­альнэ IэнатIэмрэ папщIэ IэщIагъэлIхэр гъэхьэзырыным и лъэныкъуэкIэ УФ-м и субъектхэм яIэ мыхьэнэр къэIэтыным.

КъБР-м и Iэтащхьэмрэ Правитель­ствэмрэ я пресс-IуэхущIапIэ.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)