КIы­щокъуэ Алим зэи ящыгъупщэнукъым.

Социалист Лэжьыгъэм и ЛIы­хъужь, РСФСР-м и Къэрал саугъэтым и лауреат, Къэбэрдей-Балъкъэрым и цIыхубэ усакIуэ КIы­щокъуэ Алим дунейм щехыжа махуэм ирихьэлIэу, гъэ къэси хуэдэу, пэкIу щекIуэкIащ абы и фэеплъым деж.
КъБР-м щэнхабзэмкIэ и министрым и къалэнхэр зыгъэзащIэ ­Къумахуэ Мухьэдин пэкIум кърихьэлIахэм КIыщокъуэм и зы усэ ­къахуеджа нэужь, и псалъэм къыхигъэщащ республикэм исхэм фIыуэ ялъэгъуа усакIуэшхуэр ягу къагъэ­кIыжыну гъэ къэси абы и фэеплъым къызэрекIуалIэр.
-УсакIуэм щIэину къытхуигъэна и тхыгъэ купщIафIэхэм къалэн къы­щытщищIащ ди щIыналъэмрэ абы щыпсэухэмрэ фIыуэ тлъагъуну, дбгъэдэлъ хуабагъэмкIэ зыр адрейм дыдэгуэшэну. КIыщокъуэ Алим и ­Iэдакъэ къыщIэкIахэм я фIыгъэкIэ къалэ, къэрал куэдым щыпсэухэм Къэбэрдей-Балъкъэрыр къацIы­хуащ. Хэку зауэшхуэм ТекIуэныгъэ Иныр къызэрыщытхьрэ илъэс 75-рэ щри­къум ирихьэлIэу дигу къэд­гъэкIы­жыпхъэщ усакIуэ цIэрыIуэр зауэм и пэм щыщIэдзауэ и кIэм нэсыху зэрыпхыкIар, - жиIащ минист­рым.
КъБР-м и Жылагъуэ палатэм хэт, тхылъ тедзапIэм и унафэщI, лъахэхутэ Котляровэ Марие къыхигъэщащ Хэку зауэшхуэм и тхыдэ напэкIуэцIхэр къратхыкIыжыну зэры­хэтыр, пэжымрэ и лъэпкъэгъухэмрэ сыт щыгъуи я телъхьэу къекIуэкIа усакIуэр псэужамэ, абы зэи арэзы зэрытемыхъуэнутэр.
УФ-м и Къэрал Думэм и депутат Марьяш Иринэ жиIащ гуфIэгъуэми гузэвэгъуэми КIыщокъуэ Алим зэ­пымыууэ зэрыщIыгъур, абы и тхыгъэхэм Урысейм и мызакъуэу, хамэ къэралхэми щIэупщIэ ин зэрыщаIэр, ахэр бзэ зэмылIэужьыгъуэ­хэм­кIэ зэ­рызэрадзэкIыр.
-КIыщокъуэ Алимрэ Кулиев Къайсынрэ зауэ зэманым ятхахэр зытет ­газетхэр зэхуэзыхьэса цIыхугъэ сиIэщ икIи ахэр тхылъу къыдэгъэкIыжа­мэ фIыт, - пищащ Марьяш Иринэ.
ЗэIущIэм къыщыпсэлъащ КъБР-м и Парламентым и УнафэщIым и ­къуэдзэ Къардэн Мурат, КъБР-м и ТхакIуэхэм я зэгухьэныгъэм и тхьэмадэ Беппаев МутIалип, нэгъуэщIхэри.
ЗэIущIэм хэтахэм усакIуэшхуэм и фэеплъым удз гъэ­гъахэр тралъхьа нэужь, пэкIум кърихьэлIахэр кIуащ КIыщокъуэ Алим къы­щалъхуа икIи щыщIалъхьэжа Щхьэ­лыкъуэ къуа­жэм, абы дэт и фэеплъ музейм. Ахэр усакIуэм и гъащIэмрэ и гуащIэмрэ теп­сэ­лъыхьащ, и усэхэм къеджащ.

ТекIужь Заретэ.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)