КъБР-м и Iэтащхьэ КIуэкIуэ Казбек щIы­шылэм и 25-м Москва щахуэзащ къэ­ралым и къалащхьэм дэт вузхэм Къэбэрдей-Балъкъэрым щыщу щIэс студентхэм.
СыхьэтитIым къриубыдэу зэIухауэ ирагъэкIуэкIа зэIущIэм хэтахэр теп­сэ­лъы­хьащ ди республикэм и социально-экономикэ зыужьыныгъэм пыщIа Iуэхухэм, къэрал щIалэгъуалэ политикэр зэрагъэзащIэм, лэжьапIэ IэнатIэщIэхэр къызэ­ры­зэIуахым.
ЗэIущIэм и кIэухым КIуэкIуэ К. В. студентхэм ехъуэхъуащ IэщIагъэлI нэс хъуну икIи ахэр щалъхуа республикэм, зэры­щыту къэралым я зыужьыныгъэм зэ­фIэкIышхуэхэр къыщагъэлъэгъуэну.
«Урысей студентхэм я махуэм Москва сыщыIэу ирихьэлIати, ди республикэм щыщу къалащхьэм и вузхэм щеджэ студентхэм захуэзгъазэри си щхьэкIэ се­хъуэхъуащ. Иджыпсту Москва и еджапIэу пщIы бжыгъэхэм ди лъахэгъу ныбжьы­щIэу 2000-м щIигъу щоджэ.
Iуэху хьэлэмэту, мураду, плъапIэу ахэр зыгъэпIейтей Iэджэм дытепсэлъыхьащ. А псори дызэщIыгъуу дызэгугъун икIи ­къару зэхэлъкIэ дэдгъэкIын хуей Iуэхуу зэрыщытым шэч къытесхьэркъым. Псоми фIыщIэ яхузощI гуапэу икIи зэIухауэ зэрыщытам папщIэ. Аргуэру зэ махуэш­хуэмкIэ - Студентым и махуэмкIэ псоми сохъуэхъу!»,- иритхащ КIуэкIуэ К. В. инстаграмым щиIэ напэкIуэцIым.