Фахмулу жырчы къызыбыз Атабийланы Малика «Звезда» телеканалда бардырылгъан «Жангы жулдуз - 2020» деген проектде кесин сынаргъа сюйгенини юсюнден биз сизге билдиргенбиз.
Алай бла озгъан жылны ахыр кюнюнде бардырылгъан конкурсха Россейни кёп регионларындан хунерли жырчыла къатышхандыла. Къабарты-Малкъардан баргъан таулу къыз жарым финалгъа «Shape of my heart» деген жыр бла чыкъгъанды. Маликаны ауазы жюриге кирген белгили композиторланы бла жырчыланы тамашагъа къалдыргъанды. Ала аны жашыргъан да этмегендиле. Бютюнда айтхылыкъ композитор Максим Дунаевский махтагъанды, къызны «ауазыны толкъунуна батханын» белгилегенди.
Конкурсда бек аслам балл 100-ге жетгенди. Жарым финалда, финалда да жюри Маликадан аны къызгъанмагъанды. Башха жыр эришиуледен бу проектни энчилиги барды. Ол да недеди десегиз, мында экеулен хорлайдыла. Биринчисин жюри финалистлени къауумундан айырады. Бу жол ол Краснодар крайны келечиси София Легранны сайлагъанды.
Алайды да, 1880 номерге Z07 деп жазып ашырыргъа керекбиз. Бир билдириуню багъасы 35 сомду. Ол ахча болушлукъ керек болгъан сабийлеге онг тапдыргъан жандауурлукъ фондха ётдюрюледи. Алай бла сууаплыкъ ишге да къошумчулукъ этер онгубуз барды. 700 сом алай уллу ахча тюйюлдю быллай магъаналы ишлени базманнга салгъанда. Келигиз, жылны огъурлу жумушдан башлайыкъ!