Даражалы жыйылыу Россейни сынауун наркотикле болмагъан дунияны къурауда бек къыйматлыгъа санагъанды

КъМР-ни Башчысы Казбек Коков Наркотиклеге къажау къырал комитетни Россей Федерацияны ич ишлерини министри Владимир Колокольцев бардыргъан жыйылыууна видеоконференция байламлыкъла халда къатышханды. Анда  Наркотиклеге къажау къырал политиканы 2030 жылгъа дери жарашдырылгъан стратегиясыны проектинде белгиленнген баш магъаналы жумушла къабыл кёрюлгендиле.
Владимир Колокольцев Стратегияда наркотиклени жайыуну шёндюгю амаллары, ол санда IT-технологияла, эсге алыннганларын айырып айтханды. Эки ыйыкъ мындан алгъа аманлыкъчыланы къауумуну жолу кесилгенин да билдиргенди.
- Ала Москваны, Санкт-Петербургну эмда Ленинград областьны тийрелеринде интернет-тюкенни юсю бла эркин этилмеген затланы законсуз сатыу бла кюрешгендиле, бир айгъа 10 миллион сом файда тюшюрюп тургъандыла. Оператив- излеу  мадарланы хайырындан интернет-тюкен, жашырын лаборатория да къурутулгъандыла. Тутулгъанладан 15-си терсленнгенди,-дегенди ол.
Аптекалада адамны башын хайран этген дарманланы сатханда этилген бузукълукълагъа энчи халда къаралгъанды. Министр аптекалы наркоманиягъа къажау кюрешни селейтирге жарамазлыгъын, фармацевт организацияла тинтилгенлей тургъанларын айтханды. Жылны башындан бери тинтиуле беш минг кере бардырылгъанларын, мингден аслам административ бузукълукъ ачыкъланнганын да билдиргенди.

Аны бла бирге, Наркотиклеге къажау къырал  комитетни башчысы айтханнга кёре,  тынчайып къалыргъа сылтау жокъду. «Халны иги жанына тюрлендирир муратда 1 декабрьден башлап бир-бир дарманланы рецептсиз сатханла уголовный жууапха  тартыллыкъдыла. Энди «Прегабалин» эмда «Тропикамид» дарманланы сатханла да Уголовный кодексни 234-чю статьясына кёре терсленирикдиле»,-дегенди.
Дагъыда ведомствону башчысы законла чыгъарыу,  уголовный жууапха тартыу бла бирге, бузукълукъланы болдурмауну мадарлары да этилгенлерин чертип айтханды. Жаланда быйыл июньда Наркоманиягъа къажау кюрешни халкъла аралы кюнюне жораланып 3500-ден аслам акция бардырылгъанды. ООН-ну энчи жыйылыуунда Россейни  бу ишде сынауу наркотикле болмагъан дунияны къурауда бек магъаналыгъа саналгъанды.
Жыйылыугъа къатышханла бир оюмгъа келгендиле: шёндюгю болумлада профилактиканы жангы амаллары керекдиле. Ол жаны бла къауум мадар да этиледи – субъектледе киберволонтёрлукъ  терк  айнып барады. Анга школчула, студентле, устазла да къатышадыла. Ала саулукълу жашауну ниетин жайгъанлары бла къалмай, ич ишле органлагъа правогъа келишмеген ишле бла кюрешген сайтланы ачыкъларгъа да болушадыла.
Кенгешде Наркотиклеге къажау къырал комитетни 2020 жылда ишини планы да къабыл кёрюлгенди.
Къабарты-Малкъарда право низамны сакълаучула  республикагъа наркотиклени, алагъа ушаш затланы жолларын кесиу эмда ууну законсуз сатыу бла кюрешген аманлыкъчы къауумланы ачыкълау жаны бла ишни тохтаусуз бардырадыла. «Мак-2019» операцияны чеклеринде наркотиклери болгъан битимле сыйырыладыла, кендир кеси аллына ёсген жерлени ачыкълау эмда къурутуу жаны бла мадарла этиледиле, бузукъчула уголовный эмда административ жууапха тартыладыла.
Быйыл КъМР-ни Саулукъ сакълау министерствосуну наркология диспансеринде жангыртыу ишле бардырылгъандыла, аны ырысхы-техника онглары игилендирилгендиле. Учрежденияны поликлиникасында «Подросток» деген ведомствола аралы реабилитация ара ишлеп турады. Ол осал къылыкълы юйюрледен сабийлеге кёз-къулакъ болады, наркоман ата-анала бла ишлейди. Иш бла жалчытыучу служба бла бирге акъылбалыкъ болмагъанлагъа бла жаш тёлюге ишге салыу, усталыкълагъа юйретиу жаны бла социал болушлукъ да этиледи.

 

Поделиться:

ЧИТАТЬ ТАКЖЕ:

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.

28.03.2024 - 09:03

ИНВЕСТИЦИЯЛАГЪА – ЭНЧИ ЭС

Жангы предприятияла къурарча, производствону кенгертирча, инвестицияла этмей, башхача айтханда ишге ахча салмай боллукъ тюйюлдю.

27.03.2024 - 14:04

КЪАБАРТЫ-МАЛКЪАР РЕСПУБЛИКАНЫ БАШЧЫСЫ К.В.КОКОВНУ РОССЕЙ ФЕДЕРАЦИЯНЫ МИЛЛЕТ ГВАРДИЯСЫНЫ АСКЕРЛЕРИНИ КЮНЮ БЛА АЛГЪЫШЛАУУ

Росгвардияны Къабарты-Малкъар Республикада Управлениясыны хурметли аскерчилери, ишчилери эмда ветеранлары! Сизни Россей Федерацияны Миллет гвардиясыны аскерлерини кюню бла алгъышлайма!

27.03.2024 - 09:07

САКЪАТ САБИЙЛЕ ОКЪУУСУЗ КЪАЛМАЗЧА

Къабарты-Малкъарны Жамауат палатасында республиканы билим бериу учреждениялада сакъат эм къыйын ауругъан сабийлени окъутуу не халда болгъаны тинтилгенди.