Сёлешиуню къыйматлы соруулары - къалгъан-къулгъанланы жарашдырыу, ипотека, эски юйледен тынгылы журтлагъа кёчюрюу.

КъМР-ни Башчысы Казбек Коков Россейни Президентинде Стратегиялы айныу эмда миллет проектле жаны бла Советни президиумуну жыйылыууна видеоконференция халда къатышханды. Кенгешни Москвада РФ-ни Правительствосуну Председатели Дмитрий Медведев бардыргъанды. Анда сёз «Экология» эмда «Жашау журтла бла шахар болум» деген миллет проектлени юсюнден баргъанды.
Дмитрий Медведев экология жаны бла баш борчну белгилегенди. Ол – производстводан бла жашау журтладан чыкъгъан къалгъан-къулгъанланы жарашдырыу жаны бла сау бёлюм къурауду. Келир жылдан башлап регионланы асламысы кир-кипчик бла байламлы жангы амаллагъа кёчерге керекдиле. Субъектлени кёбюсю,дегенди премьер, анга кёчгендиле неда ол ишни къолгъа алыргъа хазырдыла.
Сёз «Жашау журтла бла шахар болум» миллет проектни юсюнден баргъанда, Дмитрий Медведев мында ипотека баш магъананы тутханын эсгертгенди. Экономика игиленнгенини, Правительство бла Ара банк этген мадарланы хайырындан Россейде ипотеканы ставкасы тюше барады, алай бла къурулушну кенгертирге себеплик этип. Росстатны билдириулерине кёре, 10 айны ичинде жашау журтланы 55,6 миллион квадрат метри хайырланыргъа берилгенди. Алай къурулушну ёлчемин ёсдюрюр онгла бардыла.
-Жашау журтланы къуру жерде сюерге жарамагъаны баямды. Ол а регионланы бла муниципалитетлени оноуунда болгъан ишди. Алай биз регионлагъа тийишли инфраструктура къураргъа деп субсидияла беребиз. Асламысында ма аны хайырындан школла, больницала, сабий садла да ишленедиле,-деп белгилегенди Дмитрий Медведев.
Жыйылыуда оюла тургъан, къоркъуулу юйледе жашагъанланы тынгылы журтлагъа кёчюрюуню  онгларына энчи халда къаралгъанды.
Къабарты-Малкъарда жараусуз юйлени азайтыу жаны бла республикалы программа ишлейди. Анга кёре быйыл Малкада, Совхозноеде, Этокода 80-ден аслам адамны жангы журтлагъа кёчюрюрге белгиленеди. Муниципалитетле хазыр журтланы сатып алыу жаны бла келишимле этгендиле. 9 декабрьге Малкада эки юй администрацияны иелигине берилгендиле. Совхозное бла Этоко элледе фатарланы къурулушлары бошала турадыла. Бу жумушлагъа берилген ахчаны жылны ахырына дери толусунлай хайырланып бошаргъа белгиленеди.

Поделиться:

ЧИТАТЬ ТАКЖЕ:

29.03.2024 - 09:05

БАХЧАЛАНЫ БУЗДАН КЪОРУУЛАРГЪА – 40 МИЛЛИОН СОМ

Быйыл эл мюлк жерлени буз уруудан къорууларча мадарлагъа Къабарты-Малкъарны бюджетинден 40 миллион сом бёлюнюрюкдю.

29.03.2024 - 09:04

КАРТОФДАН БАЙ ТИРЛИК КЪУУАНДЫРАДЫ

Шимал-Кавказстатны управлениясындан  билдиргенлерича, былтыр Къабарты-Малкъарны  мюлклерини барысында да картофдан  154,6 минг тонна  жыйылгъанды.  Ол былтырдан 1,8 процентге кёпдю.

29.03.2024 - 09:04

ТАНГ КЕСЕК КОНСЕРВА ЧЫГЪАРЫЛАДЫ

Къабарты-Малкъар тахта кёгетледен консервала жарашдырыу бла эки жылны ичинде алчы жерни алады. Ол санда былтыр, 363,8 миллион банка чыгъарылгъанды.

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.