|
КIуэкIуэ Казбек хэтащ Кавказ Ищхъэрэм и журналистхэм Мэхъэчкъалэ щрагъэкIуэкIа зэIущIэм.
10 декабря, 2019 - 06:38
Къэбэрдей-Балъкъэр Республикэм и Iэтащхьэ КIуэкIуэ Казбек хэтащ Мэхъэчкъалэ къыщызэрагъэпэща медиазэIущIэм. Абы хиубыдэу УФ-м и Президентым и полномочнэ лIыкIуэу Кавказ Ищхъэрэ федеральнэ округым щыIэ Матовников Александр, УФ-м Кавказ Ищхъэрэм и IуэхухэмкIэ и министр Чеботарёв Сергей, округым щыщ щIыналъэхэм я Iэтащхьэхэр щIыналъэ, федеральнэ цIыхубэ хъыбарегъащIэ IуэхущIапIэхэм я лIыкIуэхэм епсэлъащ.
Псалъэмакъыр нэхъ трагъэщIащ лъэпкъ проектхэм япкъ иткIэ щIыналъэхэм щызэфIагъэкIхэм. Абы теухуауэ КъБР-м и Iэтащхьэ КIуэкIуэ Казбек жиIащ: «Иджыпсту лъэпкъ проектхэм я мыхьэнэр нэгъэсауэ псоми къагурыIуауэ къыщIэкIынукъым, ауэ шэч зыхэмылъыр зыщ - ахэр гъэзэщIэным республикэм и экономикэр ирегъэфIакIуэ. Дэ нэхъыбэу зытедгъэщIар «Демографие» проектырщ икIи абы ипкъ иткIэ зи ныбжьыр илъэсищым щIимыгъуа сабийхэр зэкIуэлIэну IуэхущIапIэхэр ухуэнырщ. ДызыхуэкIуэ илъэсым ди щIыналъэм ис сабий нэхъыщIэ дыдэхэр псори зэкIуэлIэн апхуэдэ IуэхущIапIэхэр ирикъуу диIэнущ».
Мэхъэчкъалэ щекIуэкIа зэхыхьэр УФ-м и Президентым и полномочнэ лIыкIуэу Кавказ Ищхъэрэ федеральнэ округым щыIэм и аппаратымрэ УФ-м Кавказ Ищхъэрэм и IуэхухэмкIэ и министерствэмрэ я дэIэпыкъуныгъэкIэ къызэрагъэпэщащ ТАСС урысей хъыбарегъащIэ агентствэмрэ Дагъыстэн Республикэм и Правительствэмрэ.
|
20.04.2024 - 12:25 Къэрал куэдым мэлыжьыхьым и 19-р «Ажэгъуэмэм и махуэу» щагъэлъапIэ. Абы гулъытэ хэIэтыкIа хуэщIыпхъэу къалъытэу, япэ дыдэу, I984 гъэм, Iуэхур къыщрахьэжьар Инджылыз къэралыгъуэрщ. |
|
20.04.2024 - 09:03 Къэбэрдей-Балъкъэр Республикэм мы гъэм еханэу щекIуэкIынущ «ТекIуэныгъэм и диктанткIэ» зэджэ, гъэсэныгъэ мыхьэнэшхуэ зиIэ Iуэхугъуэ щхьэпэр. |
|
19.04.2024 - 09:01 Тамбукъан гуэл шыугъэм илъэс 700 тхыдэ къызэринэкIащ. Абы ит псыр ижыркъым, мыл ткIужхэмрэ уэшххэмкIэ ирикъуу аращ. Абыхэм къадэкIуэу ябрууауэ щыта жапIэхэмкIэ абы хохъуэ минеральнэ псы. |
|
19.04.2024 - 09:01 2024 гъэм и япэ мазищым къызэрагъэлъагъуамкIэ, хьэщIэщым къыщыувыIэну махуэу зыщрагъэтхамрэ абы щыщIэтIысхьа махуэмрэ я зэхуакум дэлъ пIалъэм и кIыхьагъымкIэ Къэбэрдей-Балъкъэрым къэралым и щIыналъ |
|
18.04.2024 - 12:25 2024 гъэм и япэ мазищым къриубыдэу Къэбэрдей-Балъкъэрым зыщызыплъыхьыну къэкIуа туристхэм я бжыгъэр мин 398-рэ хъуащ икIи ар процент 24,8-кIэ нэхъыбэщ къапщытэж лъэхъэнэм ирихьэлIэу нэгъабэ щыIа бж |
|