КъБР-м и Iэтащхьэ КIуэкIуэ Казбек хуэзащ Кавказым и муслъымэнхэм я IуэхущIапIэм и унафэщIым.

Къэбэрдей-Балъкъэр Республикэм и Iэтащхьэ КIуэкIуэ Казбек Налшык щыхуэзащ лэжьыгъэ IуэхукIэ республикэм къэкIуа, Кавказым и муслъымэнхэм я дин IуэхущIапIэм и Iэ­тащхьэ Пашазаде Алыхьшыкур. ЗэIущIэм хэтащ Урысей Федерацэм и ­Президентым и полномочнэ лIыкIуэу Кавказ Ищхъэрэ федеральнэ округым щыIэм и къуэдзэ Стариков Сергей, ­Азербайджан Республикэм и Президентым и дэIэпыкъуэгъу Гасанов Алий, КъБР-м и муслъымэнхэм я дин IуэхущIапIэм и тхьэмадэ Дзасэжь Хьэзрэталий сымэ.
ЗэIущIэм щытепсэлъыхьащ дин зэ­мы­лIэужьыгъуэхэм итхэм я зэпыщIэныгъэхэр дяпэкIэ гъэбыдэным, цIыхухэм яку дэлъ мамырыгъэр хъумэным, щIа­лэгъуалэр дин идеологие егъэлеяхэм дем­ыгъэхьэхыным.
КIуэкIуэ Казбек хьэщIэ лъапIэм фIы-щIэ хуищIащ дин фIэщхъуныгъэ зыхэлъ­хэм я Iуэхур дэгъэкIыным зэпымыууэ и нэIэ зэтригъэтым папщIэ. «Ди респуб­ликэм зэманкIэрэ укъызэреблагъэм ­къегъэлъагъуэ уэ КъБР-м и муслъымэнхэм я дин IуэхущIапIэм сыт и лъэны­къуэкIи зыкъыщIэбгъэкъуэну узэрыхущIэкъур. Уи лэжьыгъэри уи гъащIэри лъэпкъхэм яку дэлъ мамырыгъэр, зэгурыIуэныгъэр, зэкъуэтыныгъэр хъу­мэ­ным хуэунэтIащ», - жиIащ абы.
Пашазаде Алыхьшыкур къы­хи­гъэщ-­хьэ­хукIащ къэралымрэ дин зэгухьэныгъэхэмрэ я зэдэлэжьэныгъэр Къэбэр-дей-Балъкъэрым тэмэму зэры­щы­зэ­тегъэу­вар икIи апхуэдэ зэпыщIэныгъэхэр адэкIи гъэбыдэн хуейуэ къы­зэрилъытэр. ­Абы КIуэкIуэ К. В. гуапэу къызэрыIущIам ­папщIэ фIыщIэ къыхуищIащ икIи Азербайджаным и Президент Алиев Илхам и цIэкIэ иригъэблэгъащ а республикэм щыхьэщIэну.
ЗэIущIэм хэхауэ къыщаIэтащ 1941-1945 гъэхэм екIуэкIа Хэку зауэшхуэм къыщахьа ТекIуэныгъэр илъэс 75-рэ зэрырикъур гъэлъэпIэным зэрызыхуагъэхьэ­зы­рыр. Кавказым и муслъымэнхэм я дин IуэхущIапIэм и Iэтащхьэм игу къигъэ­кIыжащ 233-нэ Азербайджан фочауэ ­дивизэм и зауэлIхэр адрей лъэпкъ куэдми я лIыкIуэхэм ящIыгъуу Мэздэгу ­къалэр хъумэным зэрыхэтар. «Иджыпсту дэ къэрал гъунапкъэхэмкIэ дызэпыгъэщ­хьэхукIащ, ауэ а зэманым тхэлъа ­зэ­къуэтыныгъэр тфIэкIуэдакъым. Дэ димыгъэпIейтейуэ къанэркъым дунейм и щIыналъэ щхьэхуэхэм фашизмэм зыкъыщиIэтыжыну зэрыхущIэкъум. Апхуэ­дэ мыхъумыщIагъэхэм псори дызэкъуэ-ту дапэщIэувэн хуейщ», - щIигъужащ дин лэжьакIуэм.
Азербайджаным къикIа хьэщIэ лъапIэр а махуэ дыдэм хэтащ ислъамым и хабзэхэм нобэрей Урысейм щаIэ мыхьэнэм теухуауэ Налшык щрагъэкIуэкIа къэрал зэхуаку щIэныгъэ конференцым.

КъБР-м и Iэтащхьэмрэ Прави­тельствэмрэ я пресс-IуэхущIапIэ.

Поделиться:

ЧИТАТЬ ТАКЖЕ:

29.03.2024 - 17:28

ХАМЭ КЪЭРАЛХЭМ ЗЭРАДЭЛАЖЬЭМ ФЕЙДЭ КЪЫПОКIУЭ

Хамэ къэралхэм ящыщу Къэбэрдей-Балъкъэрым сату нэхъыбэу зыдищIыр СНГ-м хэтхэращ икIи иужьрей илъэситIым къриубыдэу республикэм зэригъэкIуэкIа продукцэм и куэдагъым процент 25-кIэ хигъэхъуащ, жиIащ

29.03.2024 - 17:23

ЗЫУЖЬЫНЫГЪЭМ И ЛЪАГЪУЭМ ИРОКIУЭ

КъБР-м и Iэтащхьэ КIуэкIуэ Казбек Ставрополь крайм и губернатор Владимиров Владимиррэ Къэрэшей-Шэрджэс Республикэм и УнафэщI Темрезов Рашидрэ щIыгъуу хэтащ Тырныауз къалэм дэт, сыт и лъэныкъуэкIи з

29.03.2024 - 08:57

ХЬЭЩIЭХЭМ ДЫКЪЫХАГЪАЩIЭ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ.

29.03.2024 - 08:56

ГУАПЭУ ЯГУ КЪАГЪЭКIЫЖ

КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм

29.03.2024 - 08:56

ХАДЭХЭКI ФIЭIУГЪЭХЭМКIЭ ДЫПАШЭЩ

Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос.