Тюнене Москвада РФ-ни Правительствосуну Председателини орунбасары Виталий Мутко видеоконференция халда битеуроссей селектор кенгеш бардыргъанды. Анга видео байламлыкъла халда КъМР-ни Правительствосуну Председатели Мусукланы Алий да къатышханды.
Кенгешде сёз ЖКХ-ны бла энергетиканы предприятияларын кюз арты-къыш кезиуге хазырлау не халда болгъаныны юсюнден баргъанды. Къырал властьны толтуруучу органларына, жер-жерли самоуправленияны органларына къышха хазырланыу бла байламлы битеу белгиленнген ишлени заманында тамамлап бошаргъа эмда республиканы халкъын бла социал учрежденияларын коммунал жумушла бла тынгылы жалчытыргъа деп шарт борч салыннганды.