Фэеплъ пэкIу Бахъсэн щIыналъэми щокIуэкI.

2005 гъэм жэпуэгъуэм и 13-м Налшык къалэ къы­щыхъуа гуауэм теу­хуа фэеплъ пэкIу щекIуэкIащ ­Бахъсэн къалэм.
Фэеплъ Iуэхум хэтащ Урысей ­МВД-м и «Бахъсэн» къудамэм и унафэщI, ­полицэм и полковник Хэжь Аслъэнбий, абы и къуэдзэ, полицэм и под­полковник Алэкъул Арьмед, ­ОВД-рэ ВВ-мрэ я ветеранхэм ядэлэ­жьэным­-кIэ къудамэм и унафэщIым и и дэIэ­пы­къуэгъу Мэзан Музарин, ­КъБР-м щыIэ МВД-м къегъэщIылIа Жылагъуэ ­советым хэт Шыбзыхъуэ ­Суфадин, ­Бахъсэн щIыналъэ администрацэм хабзэхъумэ IэнатIэхэм ядэлэ­жьэ­нымкIэ и къудамэм и унафэщI ­Тохъутэмыщ Мухьэмэд сымэ.
Къызэхуэсахэм защыхуигъазэм Хэжь Аслъэнбий къыхигъэщащ ­хабзэхъумэ IэнатIэхэм я лэжьакIуэу ­ущы­тыныр шынагъуэ пылъу сыт щыгъуи къызэралъытэр. ЖиIащ абы къалэ­ныр щезыхьэкIхэр щIэпхъаджагъэм зэрыпэщIэтыр, къэ­ралым и сэбэп зыхэлъхэр, законностым­рэ консти­туцэ хабзэмрэ зэрахъумэр.
-Ди жагъуэ зэрыхъущи, щIэпхъаджащIэхэм япэщIэтурэ хокIуадэ хабзэхъумэхэр, хахуагъэрэ лIыгъэрэ къагъэлъагъуэу. Дэ ди къалэнщ апхуэдэу зи гъащIэр къызэпыуда дэтхэнэри ди гум илъыну, ди лэжьыгъэм къыгуэхыпIэ имыIэ и Iыхьэщ абыхэм я унагъуэхэм ди нэIэ ятетыныр,- жиIащ Хэжьым.
Зи къалэн зыгъэзащIэу хэкIуэда хабзэхъумэхэм я фэеплъым деж удз гъэгъахэр щагъэтIылъащ пэкIум и кIэм.
ФIым къыхураджэ.
Дзэлыкъуэ щIыналъэми ягу къыщагъэкIыжащ 2005 гъэм жэпуэ­гъуэм и 13-м къэхъуам хэкIуэдахэр.
Урысей МВД-м Дзэлыкъуэ районым щыIэ и къудамэм и лэжьакIуэхэр яхуэзащ Дзэлыкъуэкъуажэ дэт, Къэ­бэрдей-Балъкъэр мэкъумэш колле­джым и еджакIуэхэм. Полицейхэм ныбжьы­щIэ­­хэр щыгъуазэ ящIащ 2005 гъэм жэ­п­уэгъуэм и 13 - 14-хэм къэхъуа гуа­уэм.
Къызэхуэсахэр ирагъэплъащ терроризмэмрэ экстремизмэмрэ къэмыгъэхъуным теухуа документальнэ ­фильмым.
Полицейхэм ныбжьыщIэхэр къыхураджащ хабзэм тетыну, я къэралым хуэфащэ цIыху нэс къахэкIыну.

УАРДЭ Жантинэщ.

Поделиться:

ЧИТАТЬ ТАКЖЕ:

29.03.2024 - 08:57

ХЬЭЩIЭХЭМ ДЫКЪЫХАГЪАЩIЭ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ.

29.03.2024 - 08:56

ГУАПЭУ ЯГУ КЪАГЪЭКIЫЖ

КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм

29.03.2024 - 08:56

ХАДЭХЭКI ФIЭIУГЪЭХЭМКIЭ ДЫПАШЭЩ

Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос.

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.