Казбек Коков жангы жолланы къурулушлары къалай баргъанын кёргенди, качестволарын тинтгенди.

Зольск эмда Прохладна районлагъа ишчи жолоучулугъуну кезиуюнде КъМР-ни Башчысыны къуллугъун болжаллы халда толтургъан Казбек Коков жолланы къурулушлары къалай баргъанларына къарагъанды, республиканы районларын байлагъан жолла айырылгъан жерле къалай жарашдырылгъанларын кёргенди. Регионну оноучусу бек алгъа «Нальчик-Майский», «Новопавловск-Прохладный-Моздок» автомобиль жолланы ремонт этиле эмда жангыртыла тургъан участкаларын (бирини узунлугъу 5,1 км, экинчисини – 7 км.) жокълагъанды. Бригадала аланы асфальт салыргъа хазыр этип бошагъандыла.
Ол эки жол да КъМР-ге бек магъаналыдыла: биринчиси ара шахарыбызны Чегем эм Май районла бла, экинчиси республиканы Шимал Осетия-Алания эмда Ставрополь край бла байламлы этедиле. Аланы къурулушлары, келишимде белгиленнгенича, быйылны ахырына бошалыргъа керекдиле.
Прогресс посёлканы къатында жолла айырылгъан жерде уа Казбек Коков Федерал автомобиль жолланы «Кавказ» управлениясыны таматасы Руслан Лечхаджиев бла бирге Р-217 трассаны жангы участкасыны къурулушу къалай баргъанына къарагъанды. Жолну Ставропольну бла Къабарты-Малкъарны байламлы этген бу кесегини узунлугъу 15 километрди, ол Залукокоажени, Тамбукан кёлню эмда Пятигорскну къатлары бла ётеди. Ол битсе, федерал трасса транзит транспортдан бир кесек окъуна бош боллукъду.
Проектге кёре, дагъыда 3 кёпюр, жолла айырылгъан 2 жер хауа кёпюрлери бла бирге ишленирикдиле. Дагъыда 11 километрде темир эмда 17 километрде бетон буруула салынырыкъдыла. Узунлугъуна уа чыракъ чыпынла эмда 140 жангы белги орнатыллыкъды. Андан сора да, водительле солурча эки майдан къураллыкъды. Битеу белгиленнген ишле быйылны ахырына тындырыллыкъдыла.
Республиканы оноучусу, жылдан-жылгъа автотранспортну кёпден-кёп бола, ташылгъан жюклени ёлчеми да ёсе баргъанын эсге салып, аллай болумда жолланы жангыртыуну магъанасы уллу болгъанын айырып айтханды. Ала тохташдырылгъан мардалагъа келишселе, транспортну иши аллай бир женгил боллукъду, бек башы уа – къоркъуулу жерледе аварияла азайырыкъдыла,дегенди.
-Жол мюлкде халны игилей сакълар ючюн,- деп чертгенди Коков,- къурулуш ишле къалай бардырылгъанларына, алада къаллай материалла хайырланнганларына контрольну кючлендирмей жарарыкъ тюйюлдю. Россейни Президенти Владимир Путинни «Россей Федерацияны айнытыуну миллет эмда стратегиялы борчларыны юсюнден» Указына кёре, 2024 жылгъа тохташдырылгъан мардалагъа келишген регион магъаналы автомобиль жолланы санын 62 процентге жетдирирге керекди.
Къабарты-Малкъарда «Къоркъуусуз эмда тынгылы жолла» миллет проектге тийишлиликде, автомобиль жолладан 83,6 километрин ишлерге эмда жангыртыргъа, 408,6 километрине тынгылы эмда ууакъ ремонт этерге, 181,4 километрине чыракъ чыпынла орнатыргъа белгиленеди. Быйыл автомобиль жолладан битеу да 59 километрин ишлерге, жангыртыргъа, ремонт этерге тюшерикди.
Ол санда 2019-2020 жыллада «Новопавловск-Прохладный-Моздок», «Дейское-Тёбен Курп- РСО-Аланияны чеги», «Бабугент-Бызынгы», «Экинчи Чегем –Булунгу» трассаланы жангыртыргъа, «Шалушка-Каменка», «Малка-Ингушлу жайлыкъ», «Куба-Псыхурей-Крем-Константиновка», «Яникой-Лячинкъая», «Залукокоаже-Зольское-Белокаменка», «Прохладный-Эльхотово», «Прохладный-Лесной-Солдатская», «Нальчик-Нарткъала» автомобиль жоллагъа, «Урван-Уштулу» трассадан Жемталагъа элтген ызгъа, башха объектлеге да тынгылы эмда ууакъ ремонт этерге белгиленеди.
Ишчи жолоучулугъунда Казбек Коков бла бирге КъМР-ни къурулуш эмда жол мюлк министри Вячеслав Кунижев да болгъанды.

КъМР-ни Башчысыны бла Правительствосуну пресс-службасы.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)