|
КIуэкIуэ Казбек къипщытащ гъуэгущIэхэр, транспорт зэхэкIыпIэхэр зэращIыр.
18 июля, 2019 - 10:16
Лэжьыгъэ IуэхукIэ Дзэлыкъуэ, Прохладнэ районхэр къыщызэхикIухьым КъБР-м и Iэтащхьэм и къалэнхэр пIалъэкIэ зыгъэзащIэ КIуэкIуэ Казбек къипщытащ республикэм и жылагъуэхэр зэпызыщIэ гъуэгущIэхэмрэ транспорт зэхэкIыпIэхэмрэ зэращIыр.
ЩIыналъэм и унафэщIыр еплъащ «Налшык - Майскэ» автомобиль гъуэгум щыщ Iыхьэу километри 5,1-рэ, «Новопавловск - Прохладнэ - Мэздэгу» автомобиль гъуэгум щыщу километри 7 хъу Iыхьэхэр зэрызэрагъэпэщыжым. Иджыпсту лэжьакIуэхэм асфальтыр телъхьэн яух. А гъуэгуитIми республикэм и дежкIэ мыхьэнэ хэха яIэщ: «Налшык - Майскэ» гъуэгум Шэджэм, Май районхэр республикэм и къалащхьэм къапещIэ, «Новопавловск - Прохладнэ - Мэздэгу» гъуэгур Осетие Ищхъэрэм - Аланием, Ставрополь крайм макIуэ. Ятха зэгурыIуэныгъэхэм япкъ иткIэ а гъуэгуитIри дызэрыт илъэсым къриубыдэу хьэзыр ящIын хуейщ.
Прогресс поселкэм деж КIуэкIуэ К. В. щыхуэзащ «Кавказ» федеральнэ автомобиль гъуэгухэм я управленэм и унафэщI Лечхаджиев Р. А. икIи ахэр зэщIыгъуу еплъащ «Кавказ» Р-217 гъуэгум километр 15 хъу и етIуанэ Iыхьэм зэрелэжьым. А гъуэгум Дзэлыкъуэкъуажэ, адэкIэ Тамбукъан гуэлым, Пятигорск къалэм къапикIухьу щытынущ икIи иджыпсту къагъэсэбэпым щызекIуэныр куэдкIэ къигъэпсынщIэнущ. Проектым къызэрыщыгъэлъэгъуамкIэ, а Iыхьэм лъэмыжу 3, иджырей гъуэгу зэхэкIыпIэу 2-м хеубыдэ. Гъуэгум и бгъум щыщу километр 11-р гъущIкIэ, километр 17-р бетон пкъыгъуэхэмкIэ къахухьынущ. Езы гъуэгум дэкIуэу уэздыгъэхэр фIадзэнущ, гъуэгу дамыгъэу 140-рэ трагъэувэнущ, автомобилхэм дэсхэм я зыгъэпсэхупIэу тIу тращIыхьынущ. А лэжьыгъэ псори зэфIэкIын хуейщ дызэрыт илъэсым къриубыдэу.
Иджыпсту гъуэгухэм щыIэ щытыкIэр, автотранспортыр зэпымыууэ нэхъыбэ зэрыхъур, хьэлъэу зэрашэхэми зэрыхэ-хъуэр къэплъытэмэ, къигъэлъэгъуащ КъБР-м и Iэтащхьэм и къалэнхэр пIалъэкIэ зыгъэзащIэм, гъуэгу нэхъыщхьэхэр къагъэщIэрэщIэжыным, ягъэува мардэхэм тету ахэр зехьэным цIыхухэм я тыншыгъуэм и мызакъуэу, шынагъуэншагъэри елъытащ. Абы къыхэкIыу гъуэгу хозяйствэм зэхъуэкIыныгъэ нэрылъагъухэр щыIэн папщIэ гъуэгу лэжьыгъэхэр егъэкIуэкIынымкIэ технологиехэр нэгъэсауэ зэрагъэзащIэм, къагъэсэбэп материалхэр къызэрезэгъым ткIийуэ кIэлъыплъын хуейщ.
«Урысей Федерацэм зегъэужьынымкIэ лъэпкъ мурадхэмрэ стратегие къалэнхэмрэ я IуэхукIэ» Урысей Федерацэм и Президент Путин В. В. къыдигъэкIа Указым къызэрыщыгъэлъэгъуамкIэ, щIыналъэ мыхьэнэ зиIэ автомобиль гъуэгухэм ящыщу ягъэува мардэхэм къезэгъхэр 2024 гъэм ирихьэлIэу процент 62-м нагъэсын хуейщ.
«Шынагъуэншагъэ здэщыIэ гъуэгу тэмэмхэр» лъэпкъ проектыр гъэзэщIэным хиубыдэу Къэбэрдей-Балъкъэрым автомобиль гъуэгуу километр 83,6-рэ щаухуэнущ е щрагъэфIэкIуэнущ, километр 408,6-рэ щызэрагъэпэщыжынущ, щIыналъэ мыхьэнэ зиIэ гъуэгухэм ящыщу жылагъуэхэм хиубыдэ километри 181,4-м уэздыгъэхэр щыфIадзэнущ.
Дызэрыт илъэсым и закъуэ псоми къагъэсэбэп автомобиль гъуэгухэм ящыщу километр 59-м щIигъу къагъэщIэрэщIыжыну е зэрагъэпэщыжыну къапэщытщ. 2019 - 2020 гъэхэм ирагъэфIэкIуэнущ «Новопавловск - Прохладнэ - Мэздэгу», «Дей - Курп Ищхъэрэ - Осетие Ищхъэрэ - Алание Республикэм и гъунапкъэ», «Бабугент - Безенги», «Шэджэм ЕтIуанэ - Булунгу» гъуэгухэр къызыхуэтыншэу зэрагъэпэщыжынущ Щхьэлыкъуэ - Каменкэ», «Балъкъ - Ингушлы», «Куба - Псыхъурей - Крем-Констаниновкэ» автомобиль гъуэгухэр, нэгъуэщIхэри.
РайонитIыр лэжьыгъэ IуэхукIэ къыщызэхикIухьым КъБР-м и Iэтащхьэм и къалэнхэр пIалъэкIэ зыгъэзащIэ КIуэкIуэ К. В. щIыгъуащ КъБР-м ухуэныгъэмрэ гъуэгу хозяйствэмкIэ и министр Къуныжь В. Хь.
КъБР-м и Iэтащхьэмрэ
Правительствэмрэ я пресс-IуэхущIапIэ
|
28.03.2024 - 09:03 ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ. |
|
28.03.2024 - 09:03 Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм. |
|
27.03.2024 - 13:58 Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I |
|
27.03.2024 - 12:25 Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх |
|
27.03.2024 - 09:03 (ГъащIэ теплъэгъуэ) |
|