Иорданием и лIыкIуэр ди университетым щылажьэхэмрэ щеджэхэмрэ яхуоза.

Лэжьыгъэ IуэхукIэ Къэбэрдей-Балъкъэр Республикэм здэщыIэм, Иордание Хьэшимит пащтыхьыгъуэм и лIыкIуэ Адайле Амджад КъБР-м и Iэтащхьэмрэ Пра­вительствэмрэ я Администрацэм и лэжьакIуэхэр щIыгъуу бадзэуэгъуэм и   13-м щыIащ Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым.
ХьэщIэ лъапIэхэр ирагъэблэгъащ ­КъБКъУ-м и президент Къарэмырзэ Ба­рэсбий, университетым стратегие зыу­жьы­ныгъэмрэ нэгъуэщI къэрал зэпыщIэныгъэхэмкIэ и проректор Къущхьэ Хъусен, еджапIэ нэхъыщхьэм щIэтIысхьэхэр гъэ-хьэ­зырынымкIэ проректор Къэжэр Артур, ­КъБКъУ-м дунейпсо егъэджэныгъэмкIэ и школ нэхъыщхьэм и унафэщI Шапсыгъ Альберт, а школым и егъэджакIуэхэмрэ Иорданием щыщу КъБКъУ-м щеджэхэмрэ.
ЗэIущIэм и пэщIэдзэм Иорданием и лIы­кIуэ IуэхущIапIэу УФ-м щыIэм къикIа хьэ­щIэхэм ирагъэлъэгъуащ университетым сто­матологиемкIэ и институтым и иджырей центрыр, информатикэмкIэ, электроникэмкIэ, робототехникэмкIэ институтым и иджы-рей щIэныгъэ центрхэр, апхуэдэу хи- миемрэ биологиемкIэ институтым иджы-рей технологиехэм зэрыщыхурагъаджэ щIыкIэр.
ИужькIэ хьэщIэхэр яхуэзащ Иорданием щыщу ди университетым щIэныгъэ щы­- зэ­зыгъэгъуэтхэм. ЗэIущIэр къыщызэIуи-хым стратегие зыужьыныгъэмрэ нэгъуэщI ­къэ­рал зэпыщIэныгъэхэмкIэ проректор ­Къущхьэ Хъусен хьэщIэ лъапIэхэм фIы­щIэ яхуищIащ КъБКъУ-м зэреблэ­гъам папщIэ.
«Ди еджапIэм и лэжьыгъэм и унэтIы­ныгъэ нэхъыщхьэ дыдэхэм ящыщщ нэ­гъуэщI къэралхэм щыщ щIалэгъуалэр егъэджэныр. Апхуэдэхэм я бжыгъэр иджыпсту 1200-рэ мэхъури, абыхэм Иорданием къикIауэ студенти 162-рэ яхэтщ. Къэгъэлъэгъуапхъэщ Иорданием абы­хэм яхэту адыгэ щIалэрэ хъыджэбзу 31-рэ къызэрикIар. Фи къэралым щыщ щIалэгъуалэр лIэщIыгъуэ ныкъуэм щIигъуауэ ди деж щоджэ. А псори къэп­лъытэмэ, Иорданиемрэ Къэбэрдей-­Балъкъэрымрэ куэд щIауэ благъагъэкIэ зэбгъэдэту жыпIэ хъунущ», - къыхигъэщ­хьэ­хукIащ Къущхьэ Хъусен.
Гуапэу зэрырагъэблэгъам папщIэ къы­зэхуэсахэм фIыщIэ яхуищIри, Адайле Амджад жиIащ: «Си дежкIэ щIыхьышхуэу къызолъытэ фи университетым, Къэ­бэрдей-Балъкъэрым сызэрыщрагъэблэгъар. Фи щIыналъэм дэ дыпыщIащ еп­щыкIубгъуанэ лIэщIыгъуэ лъандэрэ. Кавказым иIэпхъукIауэ щыта шэрджэсхэмя щIэблэм ди деж хэхауэ пщIэшхуэ щаIэщ. Абыхэм къэралым зегъэужьыным и лъэныкъуэкIэ куэд зэфIагъэкIащ. Абы къыхэкIыу, ди хэкум къикIа щIалэхэм дамыгъэукIытэну икIи ди къэралым хуэфащэу щытыну дащогугъ».

КъБКъУ-м и пресс-IуэхущIапIэ.

Поделиться:

ЧИТАТЬ ТАКЖЕ:

29.03.2024 - 17:28

ХАМЭ КЪЭРАЛХЭМ ЗЭРАДЭЛАЖЬЭМ ФЕЙДЭ КЪЫПОКIУЭ

Хамэ къэралхэм ящыщу Къэбэрдей-Балъкъэрым сату нэхъыбэу зыдищIыр СНГ-м хэтхэращ икIи иужьрей илъэситIым къриубыдэу республикэм зэригъэкIуэкIа продукцэм и куэдагъым процент 25-кIэ хигъэхъуащ, жиIащ

29.03.2024 - 17:23

ЗЫУЖЬЫНЫГЪЭМ И ЛЪАГЪУЭМ ИРОКIУЭ

КъБР-м и Iэтащхьэ КIуэкIуэ Казбек Ставрополь крайм и губернатор Владимиров Владимиррэ Къэрэшей-Шэрджэс Республикэм и УнафэщI Темрезов Рашидрэ щIыгъуу хэтащ Тырныауз къалэм дэт, сыт и лъэныкъуэкIи з

29.03.2024 - 08:57

ХЬЭЩIЭХЭМ ДЫКЪЫХАГЪАЩIЭ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ.

29.03.2024 - 08:56

ГУАПЭУ ЯГУ КЪАГЪЭКIЫЖ

КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм

29.03.2024 - 08:56

ХАДЭХЭКI ФIЭIУГЪЭХЭМКIЭ ДЫПАШЭЩ

Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос.