|
КъБР-м и Iэтащхьэм и къалэнхэр пIалъэкIэ зыгъэзащIэ КIуэкIуэ Казбек, видеоконференц связым и Iэмалхэр къигъэсэбэпри, хэтащ УФ-м и Президентым и деж Стратегие зыужьыныгъэмрэ лъэпкъ проектхэмкIэ щыIэ советым и президиумым и зэIущIэм.
4 июля, 2019 - 06:55
Медведев Дмитрий Москва щригъэкIуэкIащ Урысейм и Президентым и деж Стратегие зыужьыныгъэмрэ лъэпкъ проектхэмкIэ щыIэ советым и президиумым и зэIущIэр. Видеоконференц связым и Iэмалхэр къигъэсэбэпри, абы хэтащ КъБР-м и Iэтащхьэм и къалэнхэр пIалъэкIэ зыгъэзащIэ КIуэкIуэ Казбек.
«Лъэпкъ проектхэм ятеухуа административнэ унафэ нэхъыщхьэ псори къащтащ. Бюджет зэхуаку трансфертхэмкIэ зэгурыIуэныгъэхэр зэращIылIащ. Абыхэм япкъ иткIэ щIыналъэхэм мы гъэм ялъыс ахъшэр яIэрыхьащ», - къыхигъэщхьэхукIащ премьер-министрым.
Медведев Дмитрий зэрыжиIамкIэ, лъэпкъ проект- хэм я щIыналъэ Iыхьэр гъэзэщIэнымкIэ лэжьыгъэхэр жыджэру йокIуэкI. Апхуэдэу щыт пэтми, къыщIигъуащ къэралым и Правительствэм и Iэтащхьэм, Iуэху псори нэхъ псынщIэу егъэкIуэкIын, ухуэныгъэм и лъэхъэнэщIэм къызэIуих хэкIыпIэхэр нэгъэсауэ къэгъэсэбэпын, социальнэ мыхьэнэ зиIэ ухуэныгъэхэр хьэзыр щIынымкIэ къарууэ щыIэр зэщIэгъэуIуэн хуейщ.
«Электрон бюджет» системэм Iэмал къет щIыналъэхэм къыщащта къалэнхэр гъэзэщIэныр зэрекIуэкIым сыт хуэдэ лъэхъэнэми хиубыдэу кIэлъыплъынымкIэ. «Ведомствэхэм а системэр нэхъ жыджэру къагъэсэбэпын икIи абы и фIыгъэкIэ административнэ текъузэныгъэмрэ тхылъымпIэхэм тету зэблагъэкI документхэмрэ ягъэмэщIэн хуейщ. Абыхэм къадэкIуэу езы системэм и зэфIэкIми зегъэубгъупхъэщ», - жиIащ Медведев Дмитрий.
«Электрон бюджет» системэм хиубыдэу лъэпкъ проектхэм я щIыналъэ Iыхьэхэм я паспортхэм я электрон гъэпсыкIэр къэщтэным хуэгъэзауэ иджыпс-ту Къэбэрдей-Балъкъэ- рым лэжьыгъэшхуэ щокIуэкI. Абы федеральнэ бюджетым къыхэкIыу трагъэкIуэдэну ахъшэр ирикъуу къаIэрыхьащ. КъаутIыпща ахъшэм щыщу куэд КъБР-м и муниципальнэ щIыналъэхэм щIадзауэ къагъэсэбэп. 2024 гъэм нэсыху зэрызэдэлэжьэнум теухуа зэгурыIуэныгъэхэр федеральнэ органхэм щыпхыгъэкIынымкIэ Iуэху пыухыкIахэр ирагъэкIуэкI.
|
24.04.2024 - 09:09 Мэлыжьыхьым и 12-м щегъэжьауэ Азау хуейм машинэ ирагъэхьэжынукъым. Абдеж щащIа гъэувыпIэр иджы дыдэ къызэIуахащ, машинэ 800 ихуэу. |
|
24.04.2024 - 09:09 Налшык къалэм иджыблагъэ щекIуэкIащ дзюдомкIэ 27-нэ щIыналъэ зэхьэзэхуэ. |
|
24.04.2024 - 09:08 Налшык къалэм и уэрамибл, псори зэхэту километри 8 я кIыгъагъыу, мы махуэхэм зэрагъэпэщыж. |
|
23.04.2024 - 10:01 21-нэ лIэщIыгъуэм зыужьыныгъэщIэхэр къытхуихьащ, абы къыдэкIуэуи, псом хуэмыдэу ныбжьыщIэхэр зыщыхъумапхъэ Iуэхугъуэхэри ди гъащIэм къыхихьащ. |
|
23.04.2024 - 09:03 Орёл къалэм иджыблагъэ щекIуэкIащ Урысейм каратэмкIэ пашэныгъэр къыщыхьыным хуэунэтIа зэхьэзэхуэ. |
|