Жамауат къоркъуусузлукъну кючлендириу жаны бла мадарла сюзюлгендиле.

Тюнене Чегемде К.В. Коков Терроризмге къажау республикалы комиссияны тышында жыйылыуун бардыргъанды. Анда жамауат къоркъуусузлукъну, отлукъ-энергетика эмда санаторий-курорт объектлени, адамла аслам жыйылыучу жерлени террорчулукъдан къоруулауну кючлендириуню мадарлары сюзюлгендиле.
Белгиленнген борчланы толтурур ючюн, дегенди КъМР-ни оноучусу, право низамны сакълаучула, толтуруучу власть органла, жамауат биригиуле бирге келишип ишлерлерин жалчытыргъа тийишлиди. «Бу жумушну тамамлау не халда болгъанын, ол не къыймат келтиргенин тинтирге, анга республикалы, бек алгъа уа район даражада, жангы кюч берирге, къарыусуз жерибизни тохташдырыргъа, планларыбызны бла программаларыбызны тюзетирге, гидроэнергетиканы, билим бериуню, сатыу-алыуну хайырланылыргъа берилген объектлерин категориялагъа бёлюуню  ахырына жетдирирге, аланы къоруулаучу инженер-техника кереклери жетиширча этерге керекди»,-дегенди ол.
Терроризмге къажау комиссияны оноуларын толтурууну жалчытыргъа керек болгъан оноучуланы  юсюнден айта, Казбек Коков министрлени бла муниципалитетлени башчыларыны эслерин аладан бек къаты сураллыгъына бургъанды, арт заманлада аллай оноуланы толтурмагъанлары ючюн юч къуллукъчу жууапха тартылгъанларын да эсгертгенди. Терроризмге къажау миллет комитетни айтханы бла Жууукъ Кюнчыгъышны къыралларында къаугъала эмда уруш баргъан тийрелеринден къайтарылгъан сабийле бла юйретиу, ангылатыу ишни тынгылы къурауну юсюнден да сёлешиннгенди.
Жыйылыуда КъМР-ни Правительствосуну Председателини орунбасары – инфраструктура эмда цифралы айныуну министри В.Х.Болотоков, КъМР-ни толтуруучу власть органларыны экстремизмни болдурмау эмда жаш тёлю политика жашауда бардырыу жаны бла мадарларын бирге тийишдириу жаны бла министр З.К.Кашироков, КъМР-ни промышленность эмда сатыу-алыу министрини орунбасары Э.Х. Кяров, «Русгидро-Къабарты-Малкъарда филиалы» ПАО-ну директору И.Е.Кладько, Росгвардияны КъМР-де Управлениясыны таматасыны орунбасары З.Н.Хачемизов, Чегем, Терк, Урван муниципал районланы башчылары А.А.Текушев, М.А.Дадов, А.Д.Кошеев сёлешгендиле.
Кенгешге КъМР-де федерал инспектор Т.Э.Макоев, КъМР-ни Парламентини бла Правительствосуну башчылары, право низамны сакълаучу эмда кюч структураланы, республиканы муниципал къуралыуларыны оноучулары да къатышхандыла.
КъМР-ни Башчысыны бла Правительствосуну пресс-службасы.

Поделиться:

ЧИТАТЬ ТАКЖЕ:

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.

28.03.2024 - 09:03

ИНВЕСТИЦИЯЛАГЪА – ЭНЧИ ЭС

Жангы предприятияла къурарча, производствону кенгертирча, инвестицияла этмей, башхача айтханда ишге ахча салмай боллукъ тюйюлдю.

27.03.2024 - 14:04

КЪАБАРТЫ-МАЛКЪАР РЕСПУБЛИКАНЫ БАШЧЫСЫ К.В.КОКОВНУ РОССЕЙ ФЕДЕРАЦИЯНЫ МИЛЛЕТ ГВАРДИЯСЫНЫ АСКЕРЛЕРИНИ КЮНЮ БЛА АЛГЪЫШЛАУУ

Росгвардияны Къабарты-Малкъар Республикада Управлениясыны хурметли аскерчилери, ишчилери эмда ветеранлары! Сизни Россей Федерацияны Миллет гвардиясыны аскерлерини кюню бла алгъышлайма!

27.03.2024 - 09:07

САКЪАТ САБИЙЛЕ ОКЪУУСУЗ КЪАЛМАЗЧА

Къабарты-Малкъарны Жамауат палатасында республиканы билим бериу учреждениялада сакъат эм къыйын ауругъан сабийлени окъутуу не халда болгъаны тинтилгенди.