Аушигер элни къатында Черек сууну жагъасыны бир кесеги ашалгъанды. Ол а онеки юйге, бийик вольтлу ток ызгъа эмда жылы сууланы къатында инфраструктурагъа къоркъуу салады. Къыйын табийгъат болумну тийресинде социал магъаналы объект жокъду.
Районну администрациясыны башчысыны оноуу бла 19 июньда ингирде сагъат сегизни жарымындан башлап алайда «Къыйын болум» деген режим кийирилгенди. Ол тийреде сууну жагъасын кючлендириу ишле бардырыла турадыла. Анга деп битеу керекли техника да барды. Черекде сууну бийиклигине кёз-къулакъ болгъан пост да къуралгъанды.
Бёзюланы Залина, Черек районну жер-жерли администрациясыны пресс-секретары.