«Россейни Президенти Владимир Путинни жыл сайын жамауат бла бардырыулыучу ачыкъ ушагъы къыйын проблемаланы туура этиуню ахшы амалыды. «Единая Россия» ма аладан къутулууну мадарларын этерикди. Биз къырал башчыны айтханына партиягъа буйрукъла бергенинеча къарайбыз, нек дегенде жууаплылыкъны «бу бизники», «бу сизники» деп бёлмейбиз»,- дегенди «Единая Россия» партияны Генсоветини секретары Андрей Турчак.
-Къырал башчы бизни юсюбюзден айтханыча, биз жууаплылыкъны кесибизден атмайбыз, Россейни кючлендириуню, ызы бла уа адамларыбызны жашауларын игилендириуню кесибизни баш борчубузгъа санайбыз. 90-чы жыллада болгъанча халгъа къыралыбызны жетдирирге керек тюйюлбюз,-дегенди Турчак.
Ол «Тюзюнлей ушакъда» миллет проектлеге эмда адамланы къыйын болумларына энчи эс бурулгъанын да белгилегенди. «Единая Россияны» борчу – белгиленнген ишлени тамамлаугъа законла бла мурдор къурауду. Проектле жер-жерледе къалай толтурулгъанларына контроль этерге керекди, биз ол жумушну къолгъа алгъанбыз. Аны ючюн деп къуралгъан ишчи къауум регионланы бир къауумунда болгъанды.
Биз, къыралны бек уллу политика кючю болгъаны къадар, адамларыбызгъа миллет проектлени магъаналарын ангылатыргъа керекбиз. Ахыр соруула, жарсыугъа, кёплени аланы юслеринден хапарлары болмагъанларын кёргюзтедиле. Бизни борчубуз – адамла бла байламлыкъланы къурап, аланы жарсыуларын уллу къуллукъчулагъа жетдириудю. Биз ол ишни башлагъанбыз»,-дегенди Турчак.
«Единая Россияны» Генсоветини члени, партияны регион бёлюмюню секретары, аны КъМР-ни Парламентинде фракциясыны председатели Михаил Афашагов да, KABARDIN-BALKAR ER.RU-гъа билдирген оюмунда, миллет проектлени толтуруу «Тюзюнлей ушакъны» баш темасы болгъанын чертгенди.
-Аланы ахыр муратлары Россейни экономикасын жангы ызгъа салыу болгъанын Президент энчи белгилегенди. Ол экономикабызны бийик технологиялы этерге, ишни хайырлылыгъын кётюрюрге, алай бла уа инсанларыбызны жашау къолайлыкъларын игилендирирге, къыралыбызны къоркъуусузлугъун жалчытыргъа керек болгъанын айырып айтханды. Мен а ол борчла «Единая Россия» партия арт жыллада бардыргъан ишле бла келишгенлерин белгилерге сюеме, -дегенди Афашагов.
