ВТБ агропромышленный предприятиялагъа льгота халда кредитле бериуню пограммасыны чеклеринде Нальчикни сют комбинатына бир жылгъа беш процентден кёп тёлемезча амал бла  100 миллион сом ётдюрлюкдю, деп билдиредиле банкны пресс-службасындан.  

- Ол сют комбинат Къабарты-Малкъарда эм уллу предприятияладан бириди. Ол  800-ден аслам  адамны ишчи жер бла жалчытады эмда 200-ден артыкъ тюрлю продукция чыгъарады. Анга бирси регионлада да сурам уллуду.  Биз быллай биригиуге болушургъа, аны бла бирге  республиканы социал-экономика болумун айнытыугъа да къошумчулукъ этгенибизге  ыразыбыз, - деп билдиреди ВТБ-ны Ставрополь крайда, Дагъыстанда эм Къабарты-Малкъарда бёлюмюню таматасы Александр Дыренко.

Предприятияны таматасы Шамсудин Якубов билдиргеннге кёре, бусагъатда сютню кёп сауулгъан кезиуюдю. Ол себепден аны кёп алырча эмда производствода тохтатмазча  къошакъ халда  кредитни  хайырланыргъа тюшгенди.