Россейни Президенти Владимир Путинни Указы бла Адыгеяны, Къабарты-Малкъарны бла Къарачай-Черкесни халкъ жазыучусу Исхак Машбаш «Россей Федерацияны Урунууну Жигити» деген атха тийишли болгъанды. Белгили къырал эмда жамауат къуллукъчуну КъМР-ни Башчысыны къуллугъун болжаллы халда толтургъан Казбек Коков алгъышлагъанды.
«Исхак Шумафовични кёп миллетли россейли литератураны айнытыугъа, мамырлыкъны бла келишиулюкню, бизни деменгили къыралыбызны халкъларыны араларында огъурлу халланы сакълаугъа эмда кючлендириуге салгъан къыйыны айтып айтмазча уллуду. Аны фахмулу чыгъармаларында туугъан жерине сюймеклик сезилипди, ала жаланда Россейде угъай, андан тышында да белгилидиле. 
Исхак Шумафовични ол сыйлы саугъа бла  жюрегимден къызыу алгъышлайма, кийик саулукъ, бар игиликле тежейме!»,-деп айтылады алгъышлау сёзде.