Бу кюнледе Москвада Кавказны халкъларыны россейли конгрессини IV жыйылыуу бардырылгъанды. Анга РФ-ни Президентини Администрациясындан бла Москваны мэриясындан къуллукъчула да къатышхандыла.
Жыйылыуда бюгюнлюкде субъектледе болгъан жарсыуланы сюзгендиле, аланы кетериу жаны бла къаллай амалла тап келгенлерин белгилегендиле. Ызы бла Конгрессни оноучу къауумуна да жангы адамланы сайлагъандыла.
Алай бла Кавказны халкъларыны россейли конгрессини президиумуну председателине Тоторкъулланы Хасанны жашы Алий айырылгъанды. Дагъыда организацияны Баш советине къарачай-малкъар халкъда атлары кенг белгили жамауат къуллукъчула Герийланы Абузейит бла Солтан Тоганидзе да сайланнгандыла.
Къасымланы Аминат.