Кърымым и фIыгъуэ нэ­хъыщ­хьэ Никитскэ хадэш­хуэм, хабзэ зэрыхъуауэ, щокIуэкI «Парад тюльпанов» зы­фIаща Iуэху дахэр.
 Агрономхэм къэлэр дадийуэ (тюльпан) мини 100 хасащ. Ахэр зэуэ къызэдэгъэгъэнукъым: ­гъа­т­хэпэм и кухэм япэхэр къэгъэгъащ, иужьрей дыдэхэм я дахагъэр щагъэлъэгъуэнур накъыгъэ мазэм и япэ махуипщIырщ. 
 Къэлэр лIэужьыгъуэу 506-рэ яIэщ, хамэ къэрал къыщагъэкIахэри ди агрономхэр зэлэжьахэри хэту. КIэщIу жыпIэнумэ, дуней псом къэлэр дадийуэ щыIэм я нэхъ дахэхэр мыбы гъатхэпэ – накъыгъэ мазэхэм щалъагъунущ мы Iуэхум зыкърезыгъэ­хьэлIэнухэм. Ахэр мащIэкъым: гъатхэр къахуэмыгъэсу абы пэп­лъэхэр куэдыкIейщ.
 Къэлэр дадийхэр хасэ къудейкIэ зэфIэкIыркъым, гъэ къэс зэрахъуэкI абыхэм къагъэщIыну теплъэгъуэр. Мы гъэм ахэр ды­щэджэд абрагъуитIщ, лъэны­къуэ зыры­зым­кIэ плъэуэ.
 ЦIыхухэм гупсэхугъуэ щагъуэт щIыпIэм гъэм и кIыхьагъкIэ щопэкIу сурэтыщIхэр. Абыхэм мы хадэшхуэм щалъагъу дахагъэр къызытещ сурэтхэр щащэ Ялтэ и уэрам нэхъыщхьэхэм.
 Сэ ситащ мы хадэ гъуэзэджэми, жысIэфынущ ар егъэлеяуэ зэ­рыгъэщIэгъуэныр. Дуней псо­м абы къыпэхъун щыIэкъым, щIы­уэ иубыдымкIи, жыгрэ удзу итымкIи, а псом елэжь щIэныгъэлIхэмкIи.