Диагностика арада паллиатив болушлукъ къалай къуралгъаны бла шагъырейленнгендиле

Тюнене РФ-ни Президентини Шимал-Кавказ федерал округда толу эркинликли келечиси Россейни Жигити Александр Матовников республикагъа келгенди. Ол, КъМР-ни Башчысыны къуллугъун болжаллы халда толтургъан Казбек Коков бла Нальчикде Диагностика арада болуп, паллиатив болушлукъ берген бёлюмюню иши бла шагъырейленнгенди.
Бу ара жылны ал айларында ишлеп башлагъанын айтырчады, кесинде да 15 адамгъа жер барды. Паллиатив болушлугъ а артыкъда къыйын ауруулары болгъанланы халларын женгиллетир, аланы жууукъларына психология себеплик этер мурат бла  бериледи.   
Учрежденияны баш врачы Хасанби Тетов къонакълагъа айтханыча, анда шёндю 7 саусузгъа багъадыла. Алагъа   юйлериндеча болумла къуралгъандыла, аурууларын унутурча медицина мадарла толтуруладыла.  
Александр Матовников бла Казбек Коков палаталада болгъандыла,  саусузла бла ушакъла бардыргъандыла. КъМР-ни саулукъ сакълау министри Марат Хубиев, полпредни сорууларына жууапла бере, бюгюнлюкде республикада паллиатив болушлукъ 48 жерде къуралгъанын билдиргенди. Алада билимли медикле ишлейдиле, учрежденияла битеу керекле бла да жалчытылыныпдыла, медицина болушлукъ  хакъсыз бериледи.
Сёз учрежденияланы билимли кадрла бла жалчытыуну юсюнден да баргъанды. Къонакъла реанимация бёлюмде да болуп, анда халны кёргендиле. 

Поделиться:

ЧИТАТЬ ТАКЖЕ:

28.03.2024 - 10:01

НИЕТ ХАЗНАБЫЗНЫ АЙНЫТХАНЛА

Халкъыбызны ниет жетишимин кёргюзтген Къулийланы Къайсын атлы Малкъар театрны къуралыуу озгъан ёмюрню 1930-чу жылларында башланнганды. 1935 жылда А.

28.03.2024 - 09:03

ГИТЧЕ ЭМДА ОРТА БИЗНЕСНИ МАГЪАНАСЫ УЛЛУДУ

Къайсы къыралда неда аны ичинде субъектде экономиканы айнытыугъа уллу къошумчулукъ этгенле гитче эмда орта бизнес бла кюрешгенледиле эмда энчи предпринимательледиле.

28.03.2024 - 09:03

ИНВЕСТИЦИЯЛАГЪА – ЭНЧИ ЭС

Жангы предприятияла къурарча, производствону кенгертирча, инвестицияла этмей, башхача айтханда ишге ахча салмай боллукъ тюйюлдю.

27.03.2024 - 14:04

КЪАБАРТЫ-МАЛКЪАР РЕСПУБЛИКАНЫ БАШЧЫСЫ К.В.КОКОВНУ РОССЕЙ ФЕДЕРАЦИЯНЫ МИЛЛЕТ ГВАРДИЯСЫНЫ АСКЕРЛЕРИНИ КЮНЮ БЛА АЛГЪЫШЛАУУ

Росгвардияны Къабарты-Малкъар Республикада Управлениясыны хурметли аскерчилери, ишчилери эмда ветеранлары! Сизни Россей Федерацияны Миллет гвардиясыны аскерлерини кюню бла алгъышлайма!

27.03.2024 - 09:07

САКЪАТ САБИЙЛЕ ОКЪУУСУЗ КЪАЛМАЗЧА

Къабарты-Малкъарны Жамауат палатасында республиканы билим бериу учреждениялада сакъат эм къыйын ауругъан сабийлени окъутуу не халда болгъаны тинтилгенди.