Шынагъуэншагъэм толажьэ

Урысей Федерацэм и Президент Путин Владимир 2016 гъэм щIышылэм и 16-м къыдигъэкIа уна­фэм ипкъ иткIэ, гъатхэпэм и 27-р Урысейм и Лъэпкъ гвардием хыхьэ дзэхэм я махуэу ягъэуващ.

Ар 2017 гъэм къыщыщIэ­дзауэ ягъэлъапIэ. Абы теухуауэ ирагъэкIуэкI гуфIэ­гъуэ дауэдапщэхэм ящыщ зыт, УФ-м и Лъэпкъ гвардием и Къэбэрдей-Балъкъэр къудамэм и IуэхущIапIэу Налшык къалэ дэтым ды­гъуасэ щызэхаша зэхы­хьэ­ри.
Къызэхуэсахэм хъуэхъу пса­лъэкIэ захуигъэзащ ­КъБР-м и Iэтащхьэм и къалэнхэр пIалъэкIэ зыгъэзащIэ КIуэкIуэ Казбек.
- ПщIэ зыхуэтщI ныб­жьэгъу­хэ! Нобэ дэ догъэ­лъа­пIэ къэралым ифI зы­хэлъхэр хъумэным, Хэкум и щхьэхуитыныгъэм къыщ­хьэ­щы­жы­ным хуэлажьэ IэнатIэм пэ­рыт цIыхухэр. Жы­лагъуэм мамырыгъэрэ зэ­пIэзэ­рыты­ныгъэрэ щыгъэ­Iэным ехьэ­лIауэ фэ зи яужь фит Iуэхум мыхьэнэ ин дыдэ зэриIэм шэч къытезыхьэн щыIэну фIэщщIыгъуейщ. Сынывохъуэхъу, лIыгъи хахуагъи зефхьэрэ шыIэныгъи фхэ­лъу, ветеранхэм щIэб­лэм гъэсэныгъэ тэмэм бгъэ­дэфлъ­хьэу, къэралым и зыужьыныгъэм хуэгъэпса фи мурад нэхъыфIхэр къы­вэхъулIэу, узыншагъэ быдэ фиIэу дунейм куэдрэ фы­тетыну, - жиIащ абы.
Интернет Iэмалхэр къагъэсэбэпкIэрэ, зэхыхьэм къы­щызэхуэсахэр ирагъэ­дэ­Iуащ УФ-м и Лъэпкъ гвардием хыхьэ дзэхэм я Iэтащхьэ, армэм и генерал-­майор Золотов Виктор къэ­ралым и дэнэ лъэныкъуэкIи щыIэу мы IэнатIэм пэрыт псоми яхуигъэза и хъуэ­хъум.
УФ-м и Президентым и полномочнэ лIыкIуэу Кав­-каз Ищхъэрэ федеральнэ ок­ругым щыIэ, Урысейм и ЛIыхъужь Матовников Александр и цIэкIэ Урысейм и Лъэпкъ гвардием хэтхэм ехъуэ­хъуащ ­КъБР-м къегъэ­щIы­лIа федеральнэ инспектор нэхъыщхьэ Ткачёв Ев­гений.
- Урысей Федерацэм и Лъэпкъ гвардиер жылагъуэми, зэрыщыту къатщтэмэ, Хэкуми шынагъуэ къатемыгъэхьэным хуэгъэпса къызэгъэпэщыныгъэ нэхъ ин ды­дэхэм ящыщ зыщ. Хабзэ­хъумэ IэнатIэхэм, къэрал кIуэцI дзэхэм къулыкъу щы­зыщIэхэр, лIыгъи хахуагъи зэрахьэу, мыхъумыщIагъэ зы­лэжьыну яужь ихьэ дэтхэнэ зы щIапхъаджащIэми псэемыблэжу япэщIэтщ. Къы­хэгъэщыпхъэщ, Лъэпкъ гвардиер щIэрыщIэу къызэ­рагъэунэхужрэ блэкIа илъэси 3-м къриубыдэу, абы ­хыхьэ дзэхэм хэт куэдыр ­цIэ­рыIуэ зэрыхъуари, къу­лыкъу­кIэ зэры­дра­гъэ­кIуея­ри, Хэ­кум и пащхьэ щызэрахьа лIыгъэм папщIэ, абыхэм тыгъэ лъапIэхэр къызэры­хуагъэфэщари. Ди гуапэ зэрыхъунщи, ноби апхуэдэхэм я гугъу щытщIыну махуэщ.
УФ-м и Лъэпкъ гвардием Къэбэрдей-Балъкъэрым щи­Iэ къудамэм и управленэм и унафэщIым и дэIэпыкъуэгъу полковник Трушин Алексей гуфIэгъуэ зэхы­хьэм къекIуэлIахэм я махуэмкIэ ехъуэхъуащ икIи, абыхэм ящыщу зыпэрыт IэнатIэм къы­щыхэжа­ныкIа­хэм, я цIэ­хэр къриIуэурэ, щхьэж зэ­рыхуэфащэкIэ, щIыхь тхылъ­хэм­рэ тыгъэ лъапIэхэмрэ яритащ.

 

КЪУМАХУЭ Аслъэн.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)