Парламент Газ бла жалчытыуда кемчиликлени эмда ёнкючню кетериуню мадарлары изленнгендиле

Хайырланылгъан газ ючюн тёлеулени жыйыуну сорууларыны магъаналылыгъы бла байламлы КъМР-ни  Парламентини президиумуну жыйылыуунда «комитетни сагъатыны» чеклеринде бу тема энтта бир кере сюзюлгенди. Ол Къурулуш, жашау журт-коммунал мюлк эм ТЭК жаны бла комитетни башламчылыгъы бла къуралгъанды.
Кенгешни ача, спикер Татьяна Егорова былтыр газ ючюн тёлеулени жыйгъан «Интегра Софт» общество ахчаны халкъны газ бла жалчытхан «Газпром межрегионгаз Нальчик» компаниягъа ётдюрмегени бла байламлы даулашла болгъанларын  эсгертгенди. «Бу сорууну тюрлю-тюрлю жыйылыулада кёп кере сюзгендиле, аны КъМР-ни Башчысыны къуллугъун толтургъан Казбек Коков контрольгъа алгъанды. «Газпром межрегионгаз Нальчик» эм сагъынылгъан махкемелени оноучулары келишгенлери бла байламлы газ ючюн тёлеуле абонементлени счётларына толусунлай ётдюрюлгендиле»,-деп чертгенди ол.
Спикер республиканы инсанларыны газ ючюн тёлеуле кёбейтилип саналгъанлары ючюн тарыгъыуларына сууукъ кёзден къараргъа жарамагъанын белгилегенди.  Бу шартланы юслеринден абонент службалагъа билдирилсе да, кемчиликле тамамланмайдыла, келир айда тёлеулеге борч да къошулуп келедиле.
Бу хал а, адамланы чамландыргъандан, ачыуландыргъандан сора да,  статистиканы бузуугъа келтиреди: тёлеуле  этилмей, борч жыйылады. Бюгюнлюкде уа республика хайырланылгъан газ ючюн кёп ахча тёлерге керекди, алай ол саналгъанда кемчиликле этилирге да боллукъдула.  
Болумну ангылатыр  мурат бла уа жыйылыугъа «Газпром межрегионгаз Нальчик» предприятияны башчысы Залим Вороков чакъырылгъанды.
- «Интегра Софт» агент былтырны ахырында болдургъан кемчиликле къайтарылмазча этерге тийишлиди. Абонементлени сейирлери сакъланыргъа тийишлиди, тёлеуле газ бла жалчытыу компанияны базасында кёрюнюп турадыла. Алай белгиленнген компания уа ахчаны иесине ётдюрмеген эди. Бюгюнлюкде бу кемчиликни кетерир мурат бла законланы чеклеринде право низамны сакълаучу органлагъа бла арбитраж сюдге тарыгъыула берилгендиле. Тёлеулени жыйгъан фирмагъа толтуруучу бегимле хазырланнгандыла. Мен акъыл этгенден, право низамны  сакълаучула аны терслик ишине тийишли багъа берликдиле,-деп чертгенди Вороков.
Докладчы газ ючюн тёлеулени кёбейтип кёргюзтюлгенлери бла байламлы кезиуле сюзюле тургъанларын, жалгъан документлени ачыкълау иш толтурулгъанын чертгенди. «Биз кемчиликлени билебиз, ол а болумну тюзюнлей кёрюрге, мындан ары ишибизни къураргъа себеплик этерикди»,-деп къошханды ол.
Докладны сюзе, депутатла тарифлени тохташдырыуну, газны качествосуну, очередьлени юслеринден айтхандыла. Кенгешни эсеплерин чыгъара, Татьяна Егорова Залим Вороков «Газпром межрегионгаз Нальчик» обществогъа башчылыкъны кёп болмай этип башлагъанын белгилеп, анга ишинде жетишимле тежегенди. Ол жыйылыуда сюзюлген кемчиликле къысха заманны ичинде кетерилип, адамла иги жанына тюрлениулени эслериклерине ышаннганын айтханды.
- Тийишли жумушла толтуруладыла, жангы оноула этилип, республиканы хайырланылгъан газ ючюн борчун кетерирге онг болур деп ышанабыз. Законла чыгъарыучу баш орган а сизден келген предложенияланы, башламчылыкъланы  жашауда бардырыргъа болушургъа хазырды.  Халкъны жарсытхан сорууну бирге тамамларбыз деп ийнанама,-дегенди Татьяна Борисовна.
Жыйылыуну ахырында президиум жууаплы органлагъа эсгертиулени къабыл кёргенди. «Газпром межрегионгаз Нальчик» обществогъа абонементлеге  тёлеуле къалай саналгъанларын, ала эсепге алыучу приборла кёргюзтген тарихлеге келишгенлерин бла къалгъанларын тинтирге кереклиси белгиленнгенди.  
Дагъыда газ счётчикни тарихлерин болжалдан кеч болуп белгили этиу  бла байламлы сорууланы инсанланы коммунал излемлерин жалчытыуну жорукъларыны  31-чи пунктуна келишдирирге кереклисине эс бурулгъанды. Жорукъла  РФ-ни Правительствосу 2008 жылда 21 июльда чыгъаргъан «Инсанланы коммунал излемлерин жалчытыр мурат бла газ бла жалчытыуну низамыны юсюнден» 549-чу номерли бегими бла къабыл кёрюлгендиле.   
Газны качествосун эм битеулю ёлчемин эсепге алгъан приборла орнатыуну амалларын излерге тийишли болгъаны да белгиленнгенди.

 

 

КъМР-ни Парламентини пресс-службасы.

Поделиться:

ЧИТАТЬ ТАКЖЕ:

18.03.2024 - 14:31

ЖОЛЛА МАРДАЛАГЪА КЕЛИШИРЧА

Арт жыллада  Къабарты-Малкъарда солургъа сюйгенлени санына танг къошула барады.

18.03.2024 - 14:31

ЭЛЧИЛЕГЕ БЛА КЪОНАКЪЛАГЪА ТАПЛЫКЪГЪА

Алгъаракълада «Къоркъуусуз эм тынгылы автомобиль жолла» миллет проектге кёре Бабугент – Мехлесхоз жолну жангыртып башлагъандыла.

18.03.2024 - 14:30

КЁПЮРНЮ КЪУРУЛУШУ КЪЫСТАУ БАРАДЫ

Огъары Малкъарда «Къоркъуусуз эм тынгылы автомобиль жолла»  миллет проектге кёре, Черек  сууну юсю бла   Мухол  микрорайоннга баргъан жангы, бёкем  кёпюр ишлене турады.

18.03.2024 - 09:26

Районлада спорт не халда болгъанын сюзгендиле

Орта кюн КъМР-ни Спорт министерствосуну коллегиясы ётгенди. Аны ишине КъМР-ни Правительствосуну председателини биринчи орунбасары Марат Хубиев да къатышханды. Кенгешде тёрт соруу тинтилгенди.

18.03.2024 - 09:25

Жигитлени атлары унутулмазча

КъМР-ни Миллет музейинде «Неонацизм бла уруш: тюнене эм бюгюн» деген  кёрмюч ачылгъанды.