Кёп болмай Къабарты-Малкъарда Предпринимательлени праволарын къоруулау жаны бла уполномоченныйни жамауат советини жыйылыуу болгъанды. Аны Юрий Афасижев бардыргъанды. Ол республикада гитче эм орта бизнесни болумуну юсюнден айта, аланы айныуларын тыйгъан сылтаула тюбегенлерин, анга «Къабарты-Малкъарда административ болум» деген соруула да шагъатлыкъ этгенин билдиргенди.
Юрий Сафарбиевич айтханнга кёре, бизнесге контроль этиу бла кюрешген органланы тинтиулери азайгъанлыкъгъа, аланы пландан тышында кёпден-кёп эте барадыла. Бизнес-омбудсмен Россейни Правительствосу бу жаны бла эски марда-право актланы кетерирге излегенин белгилегенди, аланы орунуна тынгылы жарашдырылгъан жорукъланы сингдирилирге керекди деген оюм болгъанын да айтханды.
Жамауат советни келечилери законодательствода контроль бла байламлы тюрлениулеге эс буруп, билип турургъа къыйын болгъанын чертгендиле. Дагъыда быйыл тамамланыллыкъ ишлени да белгилегендиле.
Бизнес-омбудсменни доклады республиканы Башчысына бла Парламентге эм Россейни уполномоченныйине берилгенди деп билдириледи КъМР-де предпринимательлени праволарын къоруулау жаны бла уполномоченныйни интернет-сайтында.