Москвада Россейни Правительствосуну Председателини орунбасары Виталий Муткону бла Къабарты-Малкъарны Башчысыны къуллугъун болжаллы халда толтургъан Казбек Коковну ишчи тюбешиулери къуралгъанды.
Анда регионну социал-экономика айнытыу, миллет проектлени жашауда бардырыу, «Таза суу» федерал программаны чеклеринде КъМР-ни эллерин суу бла жалчытыу, Къулийланы Къайсын атлы Малкъар къырал драма театрны жангыртыуну финансированиясы эмда ишлени тамамлау, Прохладный шахар округда ара район больницаны хирургия корпусуну къурулушу  бла байламлы магъаналы вопросла сюзюлгендиле. Къабарты-Малкъарны къуралыууну 100-жыллыгъына аталгъан байрамны къурау эм бардырыу жаны бла темагъа энчи къаралгъанды.
Казбек Коков республикагъа  къайгъырыу кёзден къарагъаны эмда себеплиги ючюн Виталий Муткогъа ыразылыгъын билдиргенди.