Каспийск шахарда, Суракат Асиятиловну хурметине аталып, грек-рим тутушуудан IV халкъла аралы эришиу къуралгъанды.

Нальчикде зендекай будо ММА-дан, Къалабекланы Исмайылны хурметине аталып, регион эришиу бардырылгъанды.

Челябинскде баскетболдан мектеплени араларындан бардырылгъан 2022-2023 сезонда «Локобаскет – школ лига» битеуроссей чемпионатны финал оюнлары болгъандыла. Алагъа къыралны битеу субъектлеринден хорлагъан 21 команда къатышханды.

РусГидро компанияны республикада бёлюмю энергетика объектледен бирине кезиулю экскурсия къурагъанды. Бу жолгъу къонакъла Къабарты-Малкъарны къырал аграр университетинден келгендиле.

Адам аякъланы саулукъларын къалай сакъларгъа боллукъду? Ол затны юсюнден, врач – Атабийланы Наиля тынгылы хапар билдиргенди. Ол  медицинада  тёрели  эмда тёре болмагъан амалланы да хайырланады.

 Нальчикде каратени бир тюрлюсюнден «Спорт наркотиклеге къажауду» деген чакъырыу бла Россейни биринчилигине айырыу эришиу болгъанды.

«Единая Россия» жаш  юристлеге стажировканы ачханды. Бу жаны бла башламчылыкъ Санкт-Петербургда XI халкъла аралы юридический форумда этилгенди. Жыйылыуну программасына 120 аслам жумуш киргенин белгилерчады.

Пятигорскда спорт микс-файтдан СКФО-ну биринчилиги бла чемпионаты бардырылгъанды. Ол къатыш единоборстволаны тюрлюсюдю, аланы барысында да болгъан уруу эм тутушуу техникаланы бирикдиреди. 

Черкесск шахарда каратени киокусинкай тюрлюсюнден Къарачай-Черкесни биринчилиги къуралгъанды, анга 150 спортчу къатышхандыла.

КъМР-ни Транспорт эмда жол мюлк министерствосундан билдиригенлерича, «Къоркъуусуз эм качестволу автомобиль жолла» миллет проектге кёре, бу кюнледе подряд организацияланы кючю бла Элбрус районда  бир къауум жолгъа къыстау тынгылы ремонт этиледи.